偷藐嘴︰據知所有採訪上海Benz 活動的亞洲傳媒，全部都要俾章子怡嚴格挑選過，而且她指明要做當晚壓軸嘉賓，不過她一出場即引起全場傳媒及賓客拍照。但原來全部係同胞，章小姐不自覺咁藐咗下嘴（下圖），真情流露喇！
有華納老闆Vivi Nevo 照住，近年又專注到美國拍戲賺美金，過荷里活走幾轉，章子怡由國產土炮變做國際superstar 。
叫得做巨星，排場梗要十足，上週六（18日），章子怡以Benz 新款跑車亞洲區代言人身份出席Benz 派對，由頭到尾唔講中文齋吹英語似足ABC ；出場例牌壓軸、連台灣天王天后陶喆及張惠妹都要做陪襯；最誇張係連採訪傳媒都要怡姐揀過先准入場。
當日狂踩怡姐班內地傳媒，家陣報應喇，幾時都話咪得罪女人。
岩岩去美國發展時章子怡被同胞狂踩係賣國賊，家陣怡姐衣錦還鄉仲唔有風駛盡
咩？與華納大股東，身家有成370億港紙約香港李澤楷3倍嘅Vivi Nevo 拍咗年幾拖，最近章子怡還自爆訂埋婚準備明年拉埋天窗，有大水喉照住，仲使睇你班同胞頭？
姣電高層︰當晚章子怡以英文台詞與充當司儀嘅外籍Benz 高層交談，可能佢平時對慣老外Vivi ，一見係鬼人即時側頭放姣電，全程自動波。
繑手交戲︰人前章子怡好識做，全晚繑實Benz 高層出入，不過到party 唔夠半粒鐘就走後門鬆人，交戲交十足好喎。
排場勁本來老公大把貨，章子怡出場唔只由曾替Jude Law 及Kylie Minogue 專用的GID護衛公司派出10多名保安護駕，為免被唱衰，事先已將傳媒名單篩選，只批准國內友好傳媒如鳳凰衛視及《東方早報》等採訪，踩過佢有牙齒痕嗰堆，唔該企門口謝絕入場。
騷quali當晚章巨星以壓軸嘉賓身份，揸住架由大會安排，價值約71萬的新款Benz SLK 350新款跑車出場，落車後即騷quali 用英文同在場老外司儀吹水，其間還用流利英語搞爛gag ：「We have toupgrade the price.You know this TV commercial just has done early thisyear.（我哋要加酬勞，你知嗎，呢個廣告已經係年頭所拍。）」雖然簡單英語，但係怡姐講笑話邊個敢唔笑。完騷後，章巨星更由保安護駕到VIP 房出席after party ，可能佢一時唔記得自己原本係中國人，就算同祖國國語人賓客傾偈，一樣鬼婆上身滿口英文對答。對住唐人講番話，怡姐真係自信返晒嚟，不過返到自己地頭都唔吹番兩句母語，你仲記唔記得自己皮膚係乜嘢色先？
巨星保安當晚大會只聘用內地保安公司，但據知章子怡就特別聘用香港曾替Jude Law 、Kylie Minogue 等巨星做謢衛的GID 保安（箭嘴）護駕，梗係啦，怡姐而家賺美金，點知有冇憤青唔妥佢㗎！
紅星攝場當晚除章子怡外，仲請到張惠妹同陶喆同台表演，司儀以亞洲天王天后介紹出場，不過巨星都只係唱三首歌，你哋嘅歌星仔，戥吓場啫！
鬼唐不分見到老外講英文，估唔到章子怡喺派對VIP 房跟中國賓客都以英文溝通，以為個唐人係ABC ，點知轉頭就聽到佢講國語，怡姐果然好崇洋。
劉嘉玲Muse 吧辣妹助㷫章子怡扮鬼婆衣錦還鄉，上週另一國產美女劉嘉玲亦現身上海，為她開設的Muse酒廊兩周年紀念派對，曾事先張揚老公梁朝偉及好友胡軍等會畀面撐場、點知現場偉仔及胡軍完全唔見影。
男友好友失蹤，惟獨濕星邵傳勇、彭敬慈及陳寶轅等扮巨星撐場，好彩現場加插由惹火女郎上演的火辣table dance 娛眾。入場酒客一樣high 到震，據稱嘉玲不時跟在場熟客及嘉賓影合照留念，還留到半夜4時才離場，話晒係自己生意，老闆娘嘉玲梗係要訓身迎賓。
醉住走Muse 老闆娘嘉玲（白圈），上週六（18日）凌晨12點半已到場招呼人客，留到半夜4點先走，事事親力親為，離開時腳步浮浮，要由5人護駕上7人車走人，排場十足。
《蘋果日報》圖片
偉仔缺席嘉玲老公偉仔（左一），因主演的《赤壁》被邀成為東京國際電影節觀摩電影，上週六（18日）與吳宇森（左二）、金城武（右一）一齊出席開幕禮，因而缺席嘉玲酒廊2周年紀念派對。
奀星到賀喺香港冇乜人識嘅陳寶轅（左）及梅豔芳徒弟彭敬慈（右），孖住3年前有報道指開色情酒廊「Joint 15」後唔見影嘅邵傳勇（中），一齊扮巨星到Muse 恭賀嘉玲，認真畀面。
艷舞跳high為迎合國內人口味，Muse 除咗係酒廊，全晚亦有惹火女郎上台表演，有濕星有索女實旺場。
