才踏進十月寒露，相對濕度跌幅已經拍得住不明朗前景：一日低過一日！
皮膚缺水，自然乾爭爭打褶，尤其位處人體最脆弱部位的一雙眼，缺乏滋養導致眼紋暴現，再加上陳年眼圈/ 眼肚多重夾擊的話，點止殘，仲分分鐘比真實年紀老十年！
難怪秋日護眼新品，九成以潤而不膩，避免刺激爆油脂粒的膏狀/ 乳霜為主；補水/ 修護的精華素及眼膜為副，主力抗皺兼修眼部疑難雜症。
泵水去紋針對眼紋的眼霜，大致分兩類，1.質地偏油潤，為乾緊的眼部皮膚提供保護膜，滋養從而減輕紋理，道理如同在枯葉上塗護膚霜。2.成分加入矽或珍珠粉末粒子等，將紋理缺陷遮掩填補，雖具即時效果，但唔持久。否則，要一夜間重拾青春，方法唔係冇，或借助整容科技注射安全而可為人體吸收的透明質酸；或好似《SATC 》的Samantha 長期打botox 去紋。
After
注：文中所有產品的水分測試，是利用水分測試機，在記者手背即時量度試用前、後皮膚表面水分結果，保濕指數愈高代表愈好。然後再交與白老鼠兵團試用一星期，得出試後感。
After
Tracy 經紀
1Bioxil Advanced Wrinkle Lifting Eye Cream $1,148/15ml保濕度：★★★（上升8.6）
試後感：質地唔算杰，但搽後有少許黏膩，用咗1星期，眼袋乾皺紋感覺微微有番彈性。
After
Joey 公關
2Dr.Schafter Derma Laser Eye Lift Contour $600/15ml保濕度：★★★（上升9.8）
試後感：質地滋潤，說明書話含維他命B5及Retinol 等成分，聲稱可收緊眼部皮膚。但試用後黑眼圈部位反而有輕微美白淡黑跡象。
After
Esther 平面設計師
3Shu Uemura Phyto-Black Lift $420/15ml保濕度：★★（上升6.2）
試後感：質地杰膩，全場最rich ，需時吸收，適合本身眼部皮膚超乾、或已經相當多紋人士。
After
Fiona 市場策劃
4Dermalogica MultiVitamin Power Firm for Eye and Lip $688/15ml保濕度：★★（上升6）
試後感：霜狀質地，塗抹後皮膚表面形成一層薄膜，將眼紋即時填補，表面睇落好似firm 咗，唇紋多都岩用。
After
Samantha 美容顧問
5Estee Lauder Re-Nutriv Eye Cream $800/15ml保濕度：★★★★（上升11.6）
試後感：易推，潤而保濕，用後感覺好飽滿光澤，問過先知原來含整形科技透明質酸成分，明顯為需要強攻眼部問題的熟女而設。
After
Chloe 理財顧問
6Natura Bisse Diamond Extreme Eye $2,200/25ml保濕度：★★★★★（上升12.5）
試後感：初頭搽有嘅
，經按摩被皮膚吸收晒之後覺得滋潤。配合光感粒子，錯覺上令眼紋冇咁明顯，重要約會前用，應該掂！
針對性療程危急關頭至嚟維修搶救，除非嚴重到要整容，否則可做密集式敷用療程；或今期流行的gel 狀eye mask 。質地一律偏水潤，泰半可敷過夜，岩晒懶人。
After
Winne 售貨員
1約會前急救Bliss Energizing Eye Mask $550/4對保濕度：★★★★（上升11.6）
試後感：眼膜紙本身有脫水海藻成分，再配合獨立包裝精華液，感覺好乾淨，敷完15分鐘後，乾紋即時淡咗，但效果唔持久。
After
Cathy 護士
228日療程MTM Custom-blended Lifting Eye Essence $1,500/15ml保濕度：★★★★★（上升12.5）
試後感：活性海藻複合物配方水感極重，亦吸收得好快。可能皮膚吸飽水關係，恢復彈性，令乾紋即時少咗，相信若跟足說明指引連續用28日，效果會更理想。
After
Sara 空姐
3過夜免沖洗~H2O+Overnight Eye Complex $320/15ml保濕度：★★★（上升7.6）
試後感：gel 狀，免沖洗配方，質地清爽，唔使擔心爆油脂粒，成分又比paper mask 更保濕，岩我呢種事事都要快靚正懶人！
After
Yuki 美甲師
4敏感專用Gabi Cell Lift Eye Masque $1,200/30ml保濕度：★★（上升5.8）
試後感：成分天然，敷後皮膚變得白滑、光澤及緊緻，更好在連我呢類眼部皮膚咁敏感嘅，用完都無事。
After
May 秘書
5踢走黑眼圈Montee Anti-age Eye Treatment Mask $580/15ml保濕度：★★★（上升7.2）
試後感：cream 狀質地，敷用時感覺涼涼哋好relax ，待15分鐘後，用清水沖洗，即時效果白淨firm 咗，唔錯！
1以大拇指輕按眉心，重複3次，鬆弛眼部緊張肌肉。
2用中指及無名指由眼角至眼尾按壓眼周位置，重複5次促進血液循環。
3從下眼瞼的眼角開始，以無名指彈琴點按的節奏，一下一下重複按壓5次，減退黑眼圈。
4最後按至太陽穴，微微加壓力度並停留3秒，重複3次，成個人輕鬆晒！
眼部按摩step by step要更有效地改善眼部問題，可取少量眼部護理產品，圍繞眼部位置四周按摩指壓，刺激穴位，不但有助產品吸收，仲可改善助血液循環，紓緩眼部疲勞！
