[服裝型鞋] 09S/S Milan Fashion Week PRADA清麗脫俗

放逐米蘭、紐約時裝周睇騷，一如劉姥姥走進大觀園，眼界大開？未見得！說到底如夢似煙的舞台意境不切實際居多，時裝畢竟是商品，要大賣始終要顧及粉絲口味。但可以肯定，一氣呵成睇足六日騷，即使十居其九穩陣大路清茶淡飯，未至於一百巴仙令你心跳加速，但有齊春夏當旺養眼元素，各大門派齊齊發功，都應該值得時裝人興奮嘅！








2008年9月23日18:00
Via Fogazzaro 36
要殺出一條血路，09春夏，PRADA 繼續做先頭部隊，超越所謂時裝大勢，擺到明自創一派嘅佢，新點子源源不絕，今勻收起神聖修士喱士造型，轉攻清清淡淡簡約氣質，聽落冇料到？繆小姐又點會令大家失望！賣點就在布料。繼秋冬玩盡couture lace ，今次將金屬紗線混合棉質製造縮縐效果，襯埋高貴性感bra top 中空裝，不過冇番咁上下真係carry 唔起！整體造型強調簡潔線條，百份百商業味設計如背心裙、pencil skirt 、cropped jacket 大包圍。話明清淡，色水梗係啡、米、杏、酒紅。不過論全場焦點，當然屬尾圍金色縐布裙，仲有玩styling 船襪襯超高踭涼鞋，行到模特一仆一碌，掀起全場高潮。
PRADA 中環歷山大廈G4號鋪25222989



























PRADA
Designer Profile出生於50年的Miuccia Prada ，畢業於米蘭大學社會系，是品牌創辦人MarioPrada 的孫女。70年代末跟丈夫Patrizio Bertelli 接手家族生意，將品牌由皮具生產商轉型為一線時裝王國。