撼贏《色，戒》《海角七號》全台瘋狂
創下台灣史上華語片最高票房紀錄，電影《海角七號》自8月22日開畫，累積票房（直到10月10日）已超越3.4億台幣（約8,500萬港元），更預計過埋雙十國慶假期，有望搶攻4億。
導演魏德聖當年四圍問人借錢，再按埋自己層樓，籌集4,000萬台幣（約1,000萬港元）開拍《海》片，由於男主角係當年主唱《我的野蠻女友》國語版主題曲《I Believe 》嘅范逸臣，一曲走紅後事業無以為繼，當時唔少人認為魏導演自殺式開戲嗱債嚟
，點知《海》片票房口碑雙贏，扣除借貸開支而家已經淨賺1.6億台幣（約4,000萬港元），加上台灣人不斷呼籲觀眾俾錢入場睇戲，向BT 、老翻說不，眾志成城齊心合力，台灣國片終於威番次！
影片以「馬拉桑」樂團帶出故事重心，雖然卡士薄弱，但全靠口耳相傳打造出億萬票房和口碑，今個月
香港舉行嘅亞洲電影節，會公映兩場，如果撲唔到飛，可以等十一月香港正式上畫先去捧場。圖左起民雄、林宗仁、范逸臣、馬念先（前組合糯米糰成員）、小應、麥子。
故事講乜？故事由兩段相隔六十年的台、日異地戀開始。
二次大戰後，台灣光復，日本人逐一撤離。一位日籍老師迫不得已離開深愛喺的台灣女子，更寫下七封沒有寄出的情書。
六十年後，老師去世，其女兒在整理遺物時發現爸爸的情書，於是按照地址，把信件寄到「台灣恆春郡海角七番地」。
事隔六十年，地址早已更改，即使信件已分類到「恆春」，但卻落在兼職郵差阿嘉（范逸臣飾）手上。
對音樂充滿理想的阿嘉，在台北發展連番失意，於是回到「恆春」，看到這封地址錯誤的信件，如垃圾般一直放在床邊。
直到阿嘉遇上同樣在生活上遇上多番挫折的日籍女孩友子（田中千繪飾），彼此同是天涯繼而相戀。友子後來更發現了這封情書，於是叮囑阿嘉務必將信件交到收件人手上。
電影最精彩場口莫過於度假中心舉行嘅演唱會，「馬拉桑」樂團各人對生活充滿怨憤，靠音樂搵番人生方向，而且片中各成員真係識玩樂器，睇落真實感大好多。
范逸臣飾演嘅阿嘉，因為音樂事業發展觸礁，於是去咗「恆春」做兼職郵差，但佢日日唔願派信，將所有信件堆積
屋企，包括一封六十年後才寄出嘅情書。
電影熱爆，更令62歲、戲中飾演「茂伯」嘅林宗仁彈出，本身真係識彈「月琴」嘅林宗仁，會
12月舉行嘅金馬獎爭「最佳新人」獎，得獎呼聲勁過憑《赤壁》入圍嘅林志玲。
林曉培在戲中飾演與日籍丈夫分離嘅單親媽媽，雖然戲份唔多，但佢係封情書能否交到收信人手上嘅關鍵人物。
有福同享台灣電影業足足沉寂咗20年，全靠《海角七號》重振國片雄風，早前台灣新聞局頒發300萬台幣（約75萬港元）賣座冠軍獎勵金俾導演魏德聖。
為咗報答台前幕後七十位員工嘅努力，魏導演自己嗱多300萬，連同獎勵金合共600萬分俾所有人，每人可獲得85,000元（約2萬2千港元）大利是一封。
上個禮拜四（10月9日），魏導演舉行慰勞宴，當佢諗番起為咗拍《海》片
到周身債，家陣終於吐氣揚眉，一時間感動到眼濕濕。
男女主角田中千繪同范逸臣原本係鬥氣冤家，因酒後發生一夜情而戀上，後來田中千繪發現床頭七封未寄出嘅日語情書（黃圈），從而帶出兩段相隔六十年嘅愛情故事。
賺錢密碼好多睇完《海》片嘅觀眾，對於故事笑中有淚嘅情節，產生唔少共鳴，能夠捉到觀眾心理，魏導演話全靠「失敗」兩個字。
「這部片在描述一群失敗的人。有些人可能功成名就，卻從事不喜歡的工作，心理上的空虛和失落感，讓90%的現代人覺得自己的生活失敗，《海角七號》的出現，正好提供窗口。」
銀根有限嘅魏導演，當然請唔起一線藝人助陣，最紅就只有男主角范逸臣，以及客串嘅林曉培，由陌生面孔上陣，反而令小人物角色更突出。
自從偶像劇《命中注定我愛你》收視破紀錄，男主角阮經天裸泳慶功後，范逸臣有樣學樣，當日佢由10位救生員護航，游足5分鐘裸泳，露肉程度比阮經天更有睇頭。
全面翻身自從憑歌曲《I Believe 》爆紅，范逸臣幾年來發展半紅不黑，後來遇上《海》片，收20萬片酬（約5萬港元）第一次進軍大銀幕，但電影未上畫，外界已經將票房判處「死刑」。
直至開畫兩日票房收500萬，范逸臣即誇下海口，票房見1,200萬會裸泳回饋觀眾，估唔到承諾
9月18日兌現。
當日范逸臣
海灘裸泳5分鐘，之後用短褲遮住「小臣」露出屁股俾記者影相。鹹魚翻生，由范逸臣主唱嘅主題曲亦大受歡迎。有人歡喜自然有人愁，事關《海》片原先係搵已故藝人柯受良嘅仔仔柯有綸擔正，點知佢遲遲未覆實拍定唔拍，最後益咗范逸臣成為億萬票房男主角，就連《海》片監製李亞梅都話：「有些人一定後悔死了。」
速成國語至於飾演女主角友子嘅日籍女演員田中千繪，演出經驗雖然比范逸臣豐富，但只係扮演小角色，包括有日語片《乒乓》以及港產片《頭文字D 》。田中千繪後來因《頭》片關係，獲周杰倫邀請拍《七里香》MV 做女主角。
當時一句國語都唔識嘅田中千繪，受到周董影響愛上台灣文化，於是決定離開日本去台灣學國語兼等待演出機會。
留台八個月，學識國語但工作食白果，正當佢準備執包袱返日本，一直搵唔到日籍女角拍《海》片嘅工作人員，無意中發現田中千繪嘅blog ，於是安排試鏡更一拍即合。
上個月《海》片
東京舉行嘅第四屆海洋影展中獲最佳影片首獎，衣錦還鄉嘅田中千繪上台領獎一刻開心到係咁喊，證明佢當初嘅選擇絕對正確。
成功
日本獲得「東京海洋影展首獎」，早前導演魏德聖（左）、女主角田中千繪以及范逸臣到韓國出席釜山電影節開幕，更成功斟售韓國版權，明年《海》片會報名角逐第81屆奧斯卡「最佳外語片」。
田中千繪話，當日佢拍《七里香》MV ，周杰倫不斷用英語同佢溝通，令佢好欣賞台灣人嘅率直性格，因而決定去台灣發展。Well ！周董氹女叻係人都知，田中千繪應該諗錯隔籬，好在錯有錯喺！
龍虎榜《海角七號》何止幫台灣影壇爭番口氣，更高踞台灣史上華語片票房「
巴溫」，砌低成龍保持咗16年紀錄，連梁朝偉都要行理一邊。
1.2008年《海角七號》*8500萬
2.1992年《警察故事3：超級警察》7800萬
3.1993年《城市獵人》7500萬
4.2004年《功夫》7450萬
5.2007年《色，戒》6800萬
*《海》片票房為10月10日紀錄
*票房以港元計算
