陳法蓉被指撬陸詩韻牆腳，與富商朱明拍拖，陸詩韻慘被打回原形搬返將軍澳舊居。前晚陳法蓉在亞視錄影節目，強調自己並非第三者，又撐男友從來未和陸詩韻拍拖及為她交租。至於輸家陸詩韻昨日聲言不會視陳法蓉為情敵，並聲稱兩人是好姊妹。
陳法蓉早前被踢爆和富商朱明拍拖，有消息指她橫刀奪愛，踢走陸詩韻，令她由住豪華酒店式住宅，打回原形搬返將軍澳舊居。前晚陳法蓉到大埔錄影亞視節目《選美風雲五十年》，對於被指第三者，陳法蓉說：「我同男友都唔係一張白紙，每個人都有過去，我男友冇同陸詩韻拍拖，都冇幫佢交租，我哋係一對一拍拖。」
父親支付60萬陳法蓉續說：「啲新聞令我人格受損，而家我交畀律師處理，娛樂新聞寫咗會有人信，我希望唔係事實就唔好再傳落去，冇根據嘅我唔會回答，呢件事令我好唔開心。」陳法蓉稱據她所知，男友和陸詩韻確曾在公開場合見過面，對她來說見過面也是朋友，陳法蓉認為這些報道中，他們三人也是受害者。至於報道後陳法蓉可見過陸詩韻？她表示沒有，即使碰面也不尷尬，她笑說：「呢個故事搞到我變成大奸妃，佢係受害者。」
至於陸詩韻昨日到將軍澳出席時裝騷時眼腫腫，她解釋因傷風所致。對於陳法蓉指男友沒有和陸詩韻拍拖及交租，陸詩韻表示：「我都解釋過好多次但都冇用，佢冇幫我交租，總之我而家好開心。」至於之前住酒店式住宅，陸詩韻坦言單是租金總數就60萬，但她強調由爸爸支付。問到會否視陳法蓉為情敵？陸詩韻說：「唔會，佢高貴大方，又成日做善事，我哋都係慧妍雅集嘅好姊妹。」
至於擇偶是否需要對方有錢？陸詩韻坦言：「當然要有經濟能力，冇理由要我同佢由深水埗行去尖沙嘴，我唔可以咋，對方唔可以依賴我。」
早前陳法蓉和朱明拍拖行街令戀情曝光，之後她才承認男友的身份。資料圖片
陸詩韻昨日眼腫腫出席環保時裝騷，她坦言希望未來男友要有足夠經濟能力。
讚張嘉兒靚女此外，陳法蓉談到參加89年港姐經歷，她說：「最記得過時話我用鞋墊塞入胸，又話我一餐食兩個飯盒，搞到有佳麗冇飯食。」陳法蓉坦言選港姐承受壓力很大，如張嘉兒被形容為「豬扒港姐」，她即說：「靚女點可以用豬肉嚟比較呀！」陳法蓉表示張嘉兒真人很靚女，言談正面。
採訪、攝影：顏英儀
陳法蓉和富商朱明蜜運中，她強調男友並沒有和陸詩韻拍拖，自己絕非第三者。
