周嘉玲生女半年，身形已極速回復苗條，而愛女則與老公一個餅印。
半歲混血B 周嘉玲的囡囡眼仔碌碌，嘴唇厚厚，十分精靈！
今年，梁朝偉與劉嘉玲高調結婚晒幸福，不過原來偉仔昔日緋聞女友周嘉玲亦唔執輸，05年周與印籍室內設計師Goveas Darryl William 閃電結婚後，隨即展開闊太生涯，不但住豪宅坐靚車，更有兩層樓揸手，老公錫到
，難怪她婚後立即造人，為老公繼後香燈。
今年3月12日，周嘉玲誕下6.8磅BB 女，年屆38歲的她，生完女依然keep 住靚，有家庭有事業有愛女，名副其實幸福人辦！
去年尾，周嘉玲腹大便便出席公司旗艦店開幕時，周除了肚大外，身材不算太走樣。《蘋果日報》圖片
10月7日下午 周嘉玲與老公逛超市，她一邊食雪糕，一邊逗女兒，一副幸福少奶奶模樣。
嘟嘴
老公 周嘉玲抱住愛女上扶手電梯前，還不忘嘟嘴嬌嗲催老公，冤氣到暈！
坐40萬寶馬 06年周嘉玲老公買了部價值40萬的寶馬X5作為家庭車！
滿
台 同年，周嘉玲老公又在滿
台買入一個七百多萬單位作為兩人愛巢，可見周嘉玲老公真係相當有米！
由性感女星轉行做時裝公關的周嘉玲，雖然失意娛樂圈，但十年前轉行做公關卻順風順水，現在於大型時裝品牌Pedder Group 的市場部做主管，每天日理萬機，在下屬面前是女強人，不過對住老公同愛女，卻盡顯溫柔一面。
上周二（10月7日），周嘉玲與老公及囡囡在金鐘超市Great 購物，當日所見，生女半年的周嘉玲已經完全修身，在黑色one-piece 裙下看不到贅肉，腰肢依然纖瘦。
頭一次做媽咪的周嘉玲，母愛氾濫，老公購物時，她就推住架價值萬元嘅BB 車，不時用廣東話逗愛女，又多次啜愛女面珠。其間，聽到她溫柔問愛女︰「點呀？笑咩呀？係咪好開心啫！」又不時拿喺BB 車上的玩具熊與愛女玩耍。
廿分鐘後，待老公買完凍肉後，二人便齊齊離去。在老公面前，周嘉玲恍如小女孩，一邊吃喺雪糕，一邊向老公詐嬌，兩人以英語交談，不時有講有笑，羨煞旁人。逛完超市，便登上寶馬X5座駕走人。
昭景大廈
萬信臺（已售）
擁兩層豪宅05年，周嘉玲擔任董事的「Helena Ltd 」先後以1,080萬購入羅便臣道昭景大廈及480萬買了萬信臺。今年2月，周以747萬售出萬信臺，勁賺259萬，認真醒。
跑步修身就如何極速修身致電周嘉玲，她說︰「其實生完BB 都重咗45磅，不過我好努力跑步，所以兩個月就減番晒，一直keep 住125磅左右，依家我每星期都跑兩日，每次50分鐘㗎！」
廿四孝媽咪周嘉玲更指會為愛女放棄事業：「我都有諗過遲嘅唔做嘢，不過依家個女仲細，遲嘅啦，況且公司都好體諒我，每朝我都會湊吓個女至返工，陪佢晨運。
「我好慶幸依家唔使擔心經濟問題，希望個女5歲後，可以帶佢去另一個城市生活，因為覺得香港是個搵錢的地方，但絕對唔適合小朋友生活。我想佢接觸不同的文化，開發佢個腦，依家我有時同佢講英文同廣東話，先生就講法文，希望佢將來其中一種語言叻嘅！」
萬元BB 車周嘉玲寶貝女所坐的，是有星級BB 車稱號的意大利牌子Peg-Perego 「Skate 」系列，價錢11,500，徐子淇的千億B 都係坐呢款。
這部BB 車外形及重量均較一般BB 車巨型，車身由鋁合金製成，前轆細後轆大的設計，可固定重心，唔易翻車，四個轆採用獨立彈簧，避震功能出色。
周嘉玲與梁朝偉在《重慶森林》中有大膽床戲，事後周更大讚：「冇人好過梁朝偉！」難怪當年偉仔女友劉嘉玲亦打翻醋酲，要頻頻探班睇實。
周嘉玲是91年港姐亞軍（左），當年的同屆冠軍郭藹明及季軍蔡少芬，個個都算嫁得如意郎君！
選完港姐後，周拍的電影《晚九朝五》意識大膽，有火辣床上戲。
周嘉玲眾多作品中，令人最深刻是94年在《再見亦是老婆》中做狐狸精角色。
靠偉仔走紅周嘉玲91年選港姐晉身娛樂圈，打滾8年拍過廿多部電影及幾部電視劇，鬼妹仔性格的她更不介意裸露演出，其中94年與梁朝偉拍《重慶森林》，兩人傳緋聞，令她聲名大噪。
