劈腿花弗不相伯仲嘉穎纏佘天造地設
*
*
*
近排劇集真係「窄窄」，搞到包剪鬼死咁悶，好彩娛樂圈套「離淇投佘」連續劇，映期夠晒長，發展到依家依然有唔少觀眾捧場。
*
*
*
呢套劇由「開拍」至今，驚喜一浪接一浪，劇情愈愈明朗，由佘詩曼同鄭嘉穎拍劇「撻着」一刻開始，一路到前一排8號風球下，嘉穎屈「佘」入屋，再一路到近期嘉穎個「絕世好男人」形象幻滅，跟住又畀人話佢同周麗淇（Niki）拍拖期間，一腳踏幾船連環劈腿咁厲害。嘩！嘉穎咁得靚女歡心，問男士羨唔羨慕？
*
*
*
*
緋聞玩殘收視
*
講開又講，雖然阿佘發電、嘉穎劈腿，雙雙形象插水；不過，插水還插水，包剪絕對覺得阿佘同嘉穎確實好「匹配」！佢地無論外形、年齡、年資同緋聞，老土講句，簡直係天造地設「金童玉女」。
*
阿佘入行咁多年，差唔多同佢合作拍劇男藝人都相繼中招，數數手指都有張智霖、陳浩民、馬德鐘、吳卓羲、林峯……
*
睇番嘉穎近期負心男形象，佢緋聞亦都唔弱，坊間話佢一邊同Niki拍拖，一邊同幾位無綫花旦暗發展……戰績同樣「彪炳」，雖然未必夠阿佘揮，睇怕都相差無幾。
*
估唔到向來形象入屋嘉穎，無端端變「現代版韋小寶」，連佢都自嘲話如果有人開拍「韋小寶」，搵佢做主角就最！
*
自從「佘穎戀」曝光之後，嘉穎民望急跌，連佢同郭晉安套《與敵同行》收視都受到牽連，叫座力大減，點解會咁？大家都知啦！一般師奶觀眾最難接受花弗男星，嘉穎向來係乖仔斯文顧家形象，依家畀人話飛Niki引佘玩劈腿，對佢觀感梗係大打折扣啦！有乜辦法收視唔跌！
*
*
*
*
Niki拋開情傷
*
不過，近期嘉穎對緋聞處變不驚，同佢之前一提起「佘穎戀」黑面姿態或者迴避態度判若兩人，開始以嬉笑怒罵心態去化解，好似話自嘲何德何能做韋小寶，又話唔覺自己有咁大吸引力，再話下次應該會傳佢搞同性戀。識得四撥千斤，回應得頭頭是道，證明已經學會笑看緋聞，佢仲話：「當谷一谷人氣，宣傳套劇，對呢新聞已經睇化。」一下子變得咁高明同清醒，唔知係咪阿佘從旁路呢？而佢識自嘲係韋小寶，即係反證自己冇一腳踏兩船，真真假假都好，起碼可以向阿佘派定心丸，以證專一。
*
*
另一邊廂，飽受情傷Niki，雖然拍劇時心神恍惚，對「佘穎戀」一直避而不談，但對於話無想開套古裝劇由「佘穎」擔正，Niki就話：「大家呢個圈，梗有機會合作。」係咯！包剪度要讚Niki，佢答得咁大方得體，證明情傷已愈，而且頭腦冷靜，非常理性，睇已經慢慢將呢個鬱結解開。
*
*
講真，呢個圈話大唔大，話細唔細，始終會有機會合作同碰面。「離淇投佘」連續劇發展落去會係點？仍然係未知之數，相信仲要上演一段時間，大家真係要密切留意劇情發展喇！
[ 本帖最後由 shingling 於 2008-10-16 11:35 編輯 ]
