徐子珊逆市工作量一樣增加，昨日更以客席身份行騷。
徐子珊近期受《家好月圓》帶挈頻頻有外快，昨日她在中環和名模Lisa S.及Ana R.，為時裝品牌Pennyblack 行騷。徐子珊打頭陣出場，除披肩時不慎露bra 帶，她雖然穿上黑色絲襪，但仍掩不住較粗短的小腿。不過，她昨日以姐仔身份行騷，一場收大約4萬元酬金，比同場專業模特兒Lisa S.及Ana R.還多一倍
戥嘉穎慘
問徐子珊可覺得行騷時在高度上有壓力？她自信爆棚地說：「唔可以咁貪心咋，我都係出名細粒，165cm ，作為演員，都中中亭亭啦。其實呢排市道唔好，我都擔心影響接job ，好彩呢兩個星期都算OK 。」對於鄭嘉穎被指有六個緋聞女友，問她可想成為第七個？她即說：「我冇咁嘅福份，我呢啲咁嘅高度，展望唔到啲乜嘢，我同佢同一個倉，睇到報道都覺得好搞笑，我覺得佢唔係咁嘅人，戥佢慘！」
身材比名模Ana R.（左）及Lisa S.（右）輸蝕的徐子珊，酬金反勝一籌。
