去年憑財務公司廣告成名的「邦民女」羅凱珊（Kama ），近日會再度接拍Samsung 手機廣告，由於市道比較靜，她表示最近準備學打高爾夫球，她日前說：「因為遲啲我要幫東華三院打慈善高球比賽，加上從未接觸呢個活動，要即刻搵模特兒師兄惡補。」
想同華仔談情
對於近月的金融海嘯，Kama 反而表示有斬獲：「因為個市大上大落，我趁低入市，自己都有向識投資嘅朋友請教，賺咗五位數字，會儲起先，因為想買一棟最靚最好嘅樓，過千萬嘅豪宅係我dream house 。」
此外，Kama 透露稍後會嘗試拍電視短劇，她說：「自己最想演一啲有缺陷嘅角色，好似啞、盲，想演活呢啲角色先有挑戰性。」問到她最想同那個影星合作，Kama 說：「當然係華仔，我細個已經當佢係偶像，最好就可以演情侶。」
採訪：羅慧敏
攝影：林德雄
「邦民女」Kama 近日竟在波濤洶湧的金融海嘯中，趁低吸納獲利。
