現年19歲的陳嘉寶（Anjaylia），自從取代羅凱珊（Kama）成為新一代邦民女後，廣告一出街瞬即攻陷電車男，雖然近日的o靚模熱有冷卻迹象，不過對她影響不大，早前Anjaylia更火速添食拍新一輯廣告，難怪她也坦言開心多於一切。
陳嘉寶早前在九龍塘拍攝新一輯邦民廣告，今次廣告內容大sell溫情，例如扶阿婆過馬路，以及爬樹幫小朋友執波等，雖然鏡頭前Anjaylia爬樹表現輕鬆，不過鏡頭後實際驚得要命，但最終她都親自完成。Anjaylia堅持不行性感，但單靠清純形象依然hit爆，工作接踵而來，對此Anjaylia有感而發地說：「拍完第一輯廣告後，冇諗過有咁大迴響，亦冇諗會有咁多人認識，不過對我嚟講係對modeling工作有好大幫助。」
陳嘉寶Anjaylia初初爬上樹後仍然強裝鎮定舉起V字手勢，不過其後發現有蟻四處爬，即嚇得用手攬實樹幹（右圖）。
今次Anjaylia除了單拖演出的鏡頭外，還要和小朋友做對手戲。
Anjaylia在新一輯廣告中再度穿上制服拍攝。
談到再獲邀添食拍新一輯廣告，Anjaylia說：「酬勞方面有冇調整真係唔清楚，對我嚟講真係好開心可以再合作，其他嘢都唔係咁重要。」在廣告內Anjaylia將有不少新嘗試，她說：「今次我唔再係齋企同齋講對白，反而會有好多新嘗試同動作，好似爬樹咁，雖然我真係好驚，樹上又有好多螞蟻喺我隻手附近度徘徊，喺現實生活真係未試過，所以我真係好鍾意拍廣告。」當日Anjaylia一口氣連踩18個鐘轉了三個場地拍攝，但年紀輕輕的她完全不覺辛苦，似有用不完的精力。
