今時今日，一時疑似淫照、一時又話搶人老公不得好死，娛圈玉女沉淪，還靠肉女上位。憑36D 「爆乳」上位，最近攻埋過台海的趙碩之，簡直係肉女人辦。
處女寫真大賣，升格靚界新寵，原來趙碩之入行前秘史更引人。本刊收到絕密爆料，中學時代讀女校的趙碩之，收埋巨咪做運動健將，性向成疑，甚至入行前還與同性密友交往。趙碩之坦白講：「呢啲野，係女校其實好正常！」
父親是工程師，家住1,700呎跑馬地比華利山豪宅，家境中產的趙碩之有資格否認為錢行性感：「人人有唔同賣點咋，再講，我唔覺我性感喎！」
參演處女電視劇《四葉草之盛裝舞步愛作戰》至今，趙碩之出道不到半年，經已極速彈起，全靠7月推出寫真集《趙碩之夏》，36D 巨咪大賣2萬本，成為書展女王，做埋龍友女神。據悉，唔只冧盡龍友，學生時代的碩之亦是校內師妹夢中情人。
冧死女
巧合地，早在《盛》劇內，趙碩之已飾演一名大胸男仔頭，劇中初段更要穿上格仔衫加束胸扮man ，後來才被拍檔四草仔陳家樂「拗直」。20歲的趙碩之，入行後不只一次向傳媒表示，自細已是運動健將，劍擊、排球、田徑和籃球樣樣精。
據碩之的師妹透露，生得黑實又愛玩運動，中學在港島銅鑼灣一著名女校就讀的趙碩之，早屬學校風頭躉：「女校大把人搞Les ，而啲妹妹仔就最鍾意運動健將，覺得佢地型吖嘛！Wylien （趙碩之）嗰陣雖然未做model ，但中三開始就係學校跳高冠軍同劍擊隊主力，其他又乜運動都玩，已經係學校風頭躉，次次打波都好多低年班女仔圍觀勁尖叫，嗰時學校個個都知佢有個同級女朋友架！」
趙碩之今年在《盛裝舞步愛作戰》中做男仔頭阿Boy ，後來俾陳家樂飾演的Nel 融化，似番個女仔。
同性情
唔只中學時代，據悉直到入行前，趙碩之依然有個名叫「沙律」的圈外同性密友，是朋友之間公開的秘密。「佢花名『沙律』，好鍾意群住啲未出名既model 妹，佢同Wylien 係一pair ，Wylien 同Janice Man 都係圍內朋友一齊玩，所以Janice Man 都識『沙律』架！」知情人士說。
至去年12月，趙碩之在梁詠琪演唱會上行catwalk 後被大名娛樂（老闆為林建名）簽為旗下藝人，又於今年5月正式為《盛裝舞步愛作戰》開工。為入行，放棄只剩兩個月畢業的IVE 設計文憑，趙碩之更連同性密友亦疏遠。「同『沙律』分手口講就話感情淡咗，其實係入咗行唔方便，莫講話係Les 啦，佢入咗行後冇同班『兄弟』玩啦，仲話自己鍾意番男仔添！」
有女追
被指有同性戀傾向，剛從台灣宣傳網上遊戲《赤壁Online 》回港的趙碩之，只肯認有學妹鍾意她！
F ：《FACE 》 趙：趙碩之
F ：傳你有同性戀疑雲喎？
趙：哈……哈……呢啲消息係邊度黎架？梗係唔係啦！我咁大個人，從來冇懷疑過自己鍾意男人。
F ：但你學校師妹爆你好受女同學歡迎？
趙：呢啲野，係女校其實好正常。可能因為我鍾意玩運動，會多啲同學想識我囉。
F ：係咪試過有女同學向你示愛？
趙：呀……唔好話示愛……讀書試過收紙仔，最誇係有個學妹真係攞咗我屋企電話，打畀我話鍾意我……咁人哋性取向係人哋自由，我自己都好多Les 朋友，但我知自己唔係，梗係第一時間拒絕啦！
F ：咁入行前係唔係有個女朋友叫「沙律」？
趙：哈……黐線……咩入行前呀？「沙律」依家都同我好friend ，friend 到公司同事都識佢添……識朋友啫，使唔使為入行同人絕交呀？我點做TB 點照顧女朋友呀？
入行前冧女，入行後迷暈電車界龍友，又被傳主動sms 撩組合Square 成員Brian （李柏煥），桃花咁旺男女通殺，都係人緣好啫，啱晒做呢行啦！
36D 巨咪橫掃娛圈，趙碩之話讀書時代身材差得多：「我成日做運動，着衫又多，唔覺多人講！」
扮man 舊照
趙碩之出道前曾拍下不少作男性打扮的寫真，全套西裝上陣的她型過好多港男喎！
趙碩之在另一輯相中揸住支啤酒擺pose 影相，好man 啫！
李寶能：女校易搞les
據身心行為學家李寶能所講，讀女校的學生比讀男女校的較易發生同性戀：「由於女校全部學生都係女性，呢個環境因素令同性間既接觸增加，某啲渴望受保護既女生容易受到性格較強既女同學吸引；不過當呢啲女生出社會做事後，接觸男性多咗，就會好快鍾意番男性。」
F.1（校服顏色經處理）
11歲F.1時的趙碩之（右）留短頭髮、戴小雲大粗框眼鏡，一睇就知佢係男仔頭。
F.3
F.3時的趙碩之（右一）繼續短髮男仔頭look ，雖然換上金絲眼鏡，但同兩年前分別不大。
F.5
17歲F.5時的趙碩之開始留長頭髮，而且冇戴眼鏡，即刻由TB look 變為清純少女，靚女之雛形。
師姐at17
唔講唔知，原來at17成員盧凱彤（Ellen ）是趙碩之的中學師姐，03年畢業比趙碩之大兩屆。兩人都被傳有親密女伴，又會咁啱既！
女密友Kathy
Ellen 多次被拍到與女伴（左）行街。
（校服顏色經處理）
開心口攻台
趙碩之上週二（23日）到台灣宣傳網上遊戲《赤壁Online 》，扮演孫尚香的她以超性感打扮，撼低扮小喬的台灣名模隋棠（右一），首次現身已攻陷台灣。
台灣《蘋果日報》圖片
《赤壁Online 》的三個造型勁性感，難怪廢柴爭住玩。
大咪襲娛圈
趙碩之出道短短半年，由龍友model 跳升幾級成為新一代咪神，見報率持續高企，而7月推出的寫真更大賣2萬本，比假大眼Theresa 和JJ 更受歡迎，對港男黎講，真大咪始終吸引過假大眼既！
師奶︰藐
趙碩之大咪上位，卻惹黎一班網友係師奶網baby-kingdom 狂插。
港男︰冧
港女唔buy ，香港討論區就大把男fans ，仲讚佢係「新一代咪神」添！
龍情歲月
17歲加入model 公司，趙碩之拍過恒生銀行及Sony Cyber Shot 等大型牌子廣告，但早年最大客源還是攝影發燒友，龍友肯花$350就可以對住佢狂影一粒鐘，動輒mark 全日，被過百龍友輪住攝，最旺時一個星期日日有工開，絕對稱得上龍友蜜糖。
瞓地低炒
當紅後逐吋貴，當年的趙碩之一早靠背心、bikini 走紅龍友界，迷你裙低炒任影。
預演寫真
做model 年代，趙碩之已為《便利》拍過三點式。
OL 風情
除了上圍，趙碩之長腳亦是龍友至愛。
酒店床上任影
全日駐守酒店套房，龍友分批約10人一組，每小時換人輪影。
