廿一世紀才過了不到十分一，杜拜已經等唔切，鋪鋪玩有大頂大：09年底，全球最高摩廈Burj Dubai 落成；同年，全球最大噴水池會大灑水花；08年10月底，終極大Mall 王Dubai Mall 開張；上個禮拜咋嘛，傳說中的人工島上超豪度假城Atlantis 又開咗啦。那個代表阿拉伯風情的中空洋
頭設計，落在我等3歲學鋤D 的港燦眼里，怎麼更像一張葵扇煙？
！使唔使下下出咁大呀！
記者、攝影：劉嘉蕙
鳴謝：新華旅遊、杜拜旅遊局
10倍京奧煙花
■棕櫚島外貌成棵棕櫚樹模樣。
象徵謎樣古城重生的Atlantis ，座落杜拜人工棕櫚島The Palm Jumeirah 之巔，47公頃度假城沿海岸線延伸，為阿拉伯灣勾出一道蔚為奇觀的水上圖畫。杜拜人工棕櫚島，現代世界第八大奇跡喎，貴為島上首間度假酒店，當然要搞到好好睇睇。Atlantis 賣點，不是和帆船酒店鬥金鬥閃，而是與海比深，和天比高。海之深，Atlantis 以錢來填，酒店從世界各地空運65,000隻海洋生物，用魚缸做lobby 牆紙，設魚醫院全天候服侍。官方新聞稿聲稱此乃「僅次於Mother Nature 」的海洋世界，大口氣到不把世上其餘水族館放在眼內。
至於天比高呢，新聞早揚開了，酒店11月的開幕派對，煙花規模將是京奧10倍，全球賓客超過2,000名，當晚Kylie Minogue 更以天價獻唱。聞說酒店發誓要打造一個空前絕後華麗晚會，誓要做到"A Party To EndAll Parties"咁話喎！
李純恩：一晚唔夠玩！
■現兜兜沙律吧。
雖然上月頭酒店大堂曾起了場無名小火，酒店工程又尚未完結，但一樣吸引遊客湧至。本地代表，有識玩識食的李純恩帶埋老婆同行：「太太就快生日，本來預咗萬幾蚊住帆船酒店，但聽到Atlantis 新酒店開張，四千幾蚊一晚，於是即刻訂房試新嘢！」雖然四千幾蚊唔算好平，但跟同區同級酒店比較，擁有1,539間客房，入場費只$3,541起一晚的Atlantis ，無疑經濟實惠。背後原因，Atlantis 針對家庭客，拖仔帶女四人同行，玩樂消費都不少，房價較平其實是聰明之舉。李純恩坦言房間設計沒太大驚喜：「呢度同
士尼、拉斯維加斯差不多，但勝在舖頭多又開得夜，半夜一點都有街行，只住一晚肯定唔夠。」所以原本要翌日check out 的李生李太，為了要玩多幾樣設施，特地晨早6點起身，帶相機哺實棕櫚島日出美景，影輯私伙靚相補數。
■中空洋
頭，令人想起葵扇煙。
■房間不算極豪，洋
頭浴室富阿拉伯風情。
■李純恩愛Atlantis 多嘢玩。
■酒店座落人工棕櫚島上，景觀一流。（李純恩提供）
Atlantis Palm Jumeirah,Dubai
電話：（971）4-4261000
網址：
http://atlantisthepalm.com
4秒直插入水 野心勃勃的Atlantis ，目標不單止是酒店住客，而是要染指全中東最強水世界地位。話說全度假村佔地47公頃，約1/3面積是水上樂園Aquaventure ，餘下的做親親海豚Dolphin Bay 及建私人沙灘。有多強？看看Aquaventure 吧，基本的滑水天梯、Lazy River 、人工浪無一甩漏，園內焦點Leap Of Faith 長61米，高27.5米，由最高滑至最低，全程4秒內完成。我在園內望足半個鐘，發覺不是很多人敢挑戰，好不容易才等到一個，只見他在天梯頂雙臂抱身，一轉眼便已滑至梯底兩腳朝天，真係睇到心都離埋！
想刺激又細膽，園內特色項目Shark Attack 不可不試。鯊魚狙擊即非洲動物園水底版，客人坐上巨型水泡，穿過透明管道，看管外群鯊繚繞，張牙舞鰭，而閣下自在飄浮，爽!
■泳池邊的肥妹妹很可愛。（李純恩提供）
■又驚又要玩的靚女，在眾人游說下才肯豁出去。
■人在管中浮，鯊魚管外游。
■潛水人身後，有模擬古城的建築。
■在Dolphin Bay 可以親親海豚。
■Atlantis 附設水上樂園，唔做住客都有得玩。
Aquaventure
入場費：成人$462，小童$399，持Aquaventure 門券可免費暢遊The Lost Chambers 及私人沙灘。
Dolphin Bay
入場費：Shallow Water Interaction $1,575，Dolphin Bay Beach Pass 成人$651，小童$588，持Dolphin Bay 門券可免費暢遊Aquaventure,The LostChambers 及私人沙灘。
潛入水底睇魚缸
■酒店用魚缸做牆紙，感覺如在水中。
海豚灣是Atlantis 另一賣點，90分鐘的Shallow Water Interaction ，寓教學於娛樂，二十幾隻瓶鼻海豚任摸任玩。如果唔想落水，去The Lost Chambers 巨型水族館睇魚吧。場館模擬沉沒古城亞特蘭提斯興建，魚缸高約兩層樓，貫穿水族館、酒店lobby 及Aquaventure ，令人真以為自己潛了入水底，還可摸海星海膽！
連一個海洋都可以買回來，杜拜，仲有乜嘢你未玩㗎？
The Lost Chambers
入場費：成人$149，小童$117
出門提一提
簽證：持BNO 及特區護照免簽證。查詢：28661823（阿聯酋領事館）
旅行團：杜拜5天超級優惠團，暢遊Atlantis 水上樂園及水世界，10、11月團費$8,499起。查詢：27222888（新華旅遊）
貨幣：1UAE Dirhams （AED ）約兌2.1港元（文中價錢已折算港元）
電壓：220V ，三扁腳插座
旅遊查詢：
http://www.dubaitourism.co.ae
杜拜下周天晴，27~36℃
■天梯通過魚池，有鯊魚伺候，超級刺激！
