《金瓶梅》雙嬌選千嬅最似AV女優

左起：上原Kaera 、若菜光

情慾片《金瓶梅》打正旗號搵咗日本嘅艷星同AV 女優嚟拍，近日兩名女主角若菜光同上原Kaera 嚟咗香港宣傳，上星期五（9月12日）仲殺入旺角搞到行人專用區人頭湧湧添！
雖然呢對《金瓶梅》雙嬌對香港女星毫無認識，但係上周六（9月13日）接受本刊專訪時，佢哋見到香港女星照片時，竟然話同佢哋幾個行家好似樣，仲一致話楊千嬅似足AV 女優矢澤美幸，睇嚟千嬅都可以考慮吓去日本發展喎！



郭羨妮


謝安琪


若菜光同上原Kaera 大讚千嬅最似AV 女優，但佢哋兩個睇落都同郭羨妮同謝安琪都好似樣喎！

上周五，若菜光同上原Kaera 著住古裝戲服殺入旺角，引起現場唔少人圍觀甚至手多多，當然以男fans 較多啦！


上周六（9月13日），日本艷星若菜光同AV 女優上原Kaera 接受本刊訪問時，大讚香港男仔有紳士風度兼細心，所以很希望再有機會嚟香港拍戲，至於最想同邊個港星合作，佢哋嘅口味就好唔同。
若菜光認識嘅香港男星算唔少，除咗例牌嘅成龍同李連杰之外，仲有冷門啲嘅黃秋生，不過講到合作佢就會揀靚仔金城武，「佢喺日本好出名，又有型，我最近睇過佢演嘅《投名狀》真係好出色。」至於岩岩加入AV 女優行例嘅上原Kaera ，就最想同成龍合作，仲講到明要拍動作片。
不過，問到香港女星佢哋兩個都O 晒嘴，完全答唔出，當記者嗱出一批被指同AV 女優似樣嘅女星相出嚟，佢哋即刻生猛晒，仲猛話真係同佢哋啲行家好似樣。當中以楊千嬅、胡杏兒同薛凱琪相似度最高，尤其千嬅，佢哋一致話似足九成，「佢同矢澤美幸真係好似樣，唔講真係以為同一個人。」若菜光仲話本身認識矢澤美幸，真人同相中嘅千嬅更似，問到佢哋覺得千嬅有冇潛質到日本發展，佢哋就話，「佢咁kawaii 一定冇問題啦！」成日傳千嬅同老闆黎明唔妥，不如諗諗佢啦！





矢澤美幸VS 楊千嬅
相似度：90%





蒼井空VS 胡杏兒
相似度：80%





杏小百合VS 薛凱琪
相似度：70%





葉山留菜VS 官恩娜
相似度：50%





吉時步VS 鄧麗欣
相似度：20%