有「AV新垣結衣」之稱嘅上原亞衣，係2014人氣AV女優排行榜No.1，噚日佢同另外兩位AV女優櫻井步、北川愛莉香嚟咗香港，喺尖沙嘴出席記者會，同埋宣傳今日會出席澳門嘅「亞洲成人博覽2014」。噚日上原亞衣一身密實打扮好令人失望，佢同大會安排嘅所謂壯男玩埋身遊戲，一啲都唔親密，感覺hea爆。另一個女優櫻井步亦冇乜睇頭，只同女司儀玩伸脷食珍寶珠。反而北川愛莉香識做得多，心口開窿夾3吋事業線，一出場就自摸同做示範，為咗挽回失勢，櫻井步喺大合照嗰陣，伸手胸襲北川博搶鏡！
3位AV女優出席記者會，不過佢哋啲衣著令人失望。
打扮密實嘅櫻井步（右），hea住同司儀玩啜珍寶珠。
澳門騷身材
上原亞衣話有興趣識香港男仔，講到佢嘅打扮勁密實，覺唔覺輸蝕畀另外兩位女優？上原透過繙譯話：「呢件係平時著嘅衫，我會喺澳門展覽先騷真嘢出嚟。」上原之前睇世界盃俾人胸襲過，問佢去澳門驚唔驚？佢話會有人保護，好放心，櫻井步就話覺得冇人會圍自己。問到擇偶條件？上原話鍾意哥哥感覺嘅男仔，鍾意向井理呢類型，櫻井步就鍾意有反應嘅男士，同埋好似BIGBANG細眼嘅男仔。
撰文：馮仁昭
馮仁昭
from:
http://hk.apple.nextmedia.com/entertainment/art/20141212/18965850
