8月18日本刊拍得腹大便便的甘比到帝景園父母家食晚飯，預計十月分娩的甘比雖然身形未算論盡，但落車和入寓所大堂時，亦需要保鑣幫手開門。
潮流興生仔，近幾年明星父母亦響應生仔潮，生完一個又一個。縱使鼠年並非「旺丁年」，但直至目前為止，已有接近十對名人明星父母先後產子，而不少父母為配合將來子女入讀幼稚園時間，每年九月至十二月期間，更是生仔高峰期，多間醫院早前已表明在這段時間產房額滿。
平民百姓有錢都要為
位爭崩頭，不過將於十月臨盆、一索得男的大劉愛將甘比，據知早前已在有「貴族醫院」之稱的山頂明德醫院預留好位。
不過，佗住慈菇椗的甘比，得寵指數雖然直線上升，但據知大劉另一女友呂麗君，近日亦疑似有喜，似乎有意與甘比力爭大劉寵幸地位。
除了甘比變身闊太外，其家人生活質素亦水漲船高，當日甘比胞妹到帝景園時，亦有保鑣為她開車門。
已為大劉生下五歲女兒的呂麗君，上周五肚凸凸由大劉親自攙扶，有傳她再度有喜。
劉鑾雄（大劉）愛將甘比（陳凱韻）跟隨大劉六年，直至今年二月終被御准「留種」。有指今次一索得男佗住金叵羅的甘比，母憑子貴，除父母愈住愈豪，由將軍澳搬往半山帝景園外，為安胎，甘比亦更上一層樓，入住市值六千萬的梅道一號（Mayfair ）。
生仔最就腳
住得舒適，生仔醫院當然更要精挑細選。據知，大劉將會選擇由現年61歲的著名婦產科劉國霖醫生為甘比擔任主診醫生，而原本早已收山不再為孕婦接生的劉醫生，更會為甘比破例跟進她整個生產過程。不過，據知劉醫生本身只在養和醫院和港中醫院掛單，而甘比得悉大劉另一女友呂麗君六年前在山頂明德產女，為求和呂麗君平起平坐，加上她睇中該院的裝修設備，因此要求大劉在明德預留一間頂級私家房給自己分娩。
據甘比身邊好友透露：「其實甘比初初有咗BB 過陣，都心大心細唔知去邊度生，不過後來有人話俾佢知Yvonne （呂麗君）喺明德生，甘比就即刻話要喺過度生，而且甘比由屋企去明德，車程都係十分鐘，又話晒屬頂級醫院，所以佢話對呢間最有信心。」
大劉話晒係潮州人，當然希望愈多仔繼後香燈愈好，本來一索得男的甘比坐定粒六入宮，如今卻中途殺出個程咬金。兩妃相爭，絕對比荷媽紅姨爭Jo 飽精釆萬倍。
明德差不多每間病房都坐擁南中國海無敵海景，孕婦在這里生仔，心情亦輕鬆得多。
明德每間病房都仿照英式古典大宅設計，貴氣十足。
靚靚揀明德醫院分娩，主要是被其寧靜環境吸引。
貴族產房 明德醫院
客人有八成是外國人，連前丹麥王妃文雅麗也曾在這里待產的山頂明德醫院，擁有近百年歷史，被譽為老牌生仔醫院。嚟得呢度生個個都係非富則貴。院內更設有酒店式房間，可讓孕婦家人入住，等待BB 出世，至於曾在此生產的女星則有吳君如和袁詠儀。
分娩套餐收費
套餐包括：大部分孕婦和嬰兒所需用品，包括孕婦衛生棉和尿片奶粉等都有供應。另外亦有專人為孕婦準備多款餐單。（套餐價錢不包括醫生費）
地址：香港山頂加列山道41號
電話：28490111
貴價公立產房 瑪麗醫院
公立醫院中，以瑪麗醫院被坊間選為最佳生仔醫院，原因是院內設有香港大學婦產科學系診所和輔助生育中心，院內大部分生產設備皆為最先進的。徐濠縈和伏明霞亦選用瑪麗頭等病房產女。徐濠縈表示在此分娩是由於瑪麗醫院並非狗仔隊長駐目標，因此在這里生特別放心。
梁錦松和伏明霞先後在瑪麗醫院生了三胎，主要原因是由於替她接生的婦產科名醫鄧惠瓊認為瑪麗設施完善。
分娩套餐收費
普通病房分娩收費
入院費：$50
每晚住院收費$100
頭等病房收費
嬰兒護理費用（每日$700）
每晚住院收費$4,000
（另加醫生手術及巡房費用等）
地址：香港薄扶林道102號
電話：28553838
徐子淇和鄺文珣一直老友鬼鬼，閒時一齊shopping 兼high tea ，徐子淇梗第一時間介紹老友到老爺旗下醫院分娩。
鄺文珣在8月中誕下7.5磅囝囝，據知經由老友徐子淇介紹，揀仁安醫院分娩。
六星級享受 仁安醫院
由千億新抱徐子淇老爺李兆基所開的仁安醫院，早前花了2億1千萬擴建，除裝修以四季酒店做藍本，更附設家居智能系統，徐子淇去年在這里包下6間私家病房生女兒晞彤，方便親友來探訪。
分娩套餐收費
地址：沙田大圍富健街18號
電話：26083388
星媽星爸首選 養和醫院
養和醫院一向是城中富豪和明星的生仔醫院，醫院所提供的酒店式服務及嚴密保安措施，深得女星喜愛，而餐廳食物更由酒店大廚主理。至於BB 在分娩後首天可享用專用暖水
，讓BB 感覺仍在媽媽體內。吳家樂太太周蕙蕙和莫可欣及張柏芝均在這里分娩。
據莫可欣表示，揀選養和全因這間醫院地方夠闊落，「雖然我住九龍，但我唔想生仔都咁逼狹，知道養和的單人房夠大，即使有好多朋友嚟探我都有地方招呼人，加上養和保安嚴密，除咗有密碼鎖外，房門唔落自己名，用人哋個名都得，岩晒做我哋做呢行嘅人。」
兩年抱三的吳家樂夫婦坦言由於養和近屋企就腳，而且信譽好，所以大女和孖仔都揀在這里生。
莫可欣今年6月在養和剖腹誕下5.7磅囡囡，連一向cool 爆的方中信，抱著愛女亦笑到見牙唔見眼（右圖）。
分娩套餐收費
地址：香港跑馬地山村道2號
電話：28359765
大眾代之選 浸會醫院＆法國醫院
位於九龍的浸會醫院和法國醫院，交通便利，而且價錢亦較相宜，吸引不少孕婦在這里分娩。在這里生嘅藝人有郭晉安太太歐倩怡（浸會）和曹永廉太太姜依蘭（法國）。
對於浸會醫院，郭晉安讚不絕口：「我同太太揀醫院，首先就係睇location 方唔方便，咁浸會離我屋企（西貢）比較近，揸車夠方便，而且我太太過時住頭等病房，個環境好舒服，姑娘又好注重衞生，有親友嚟探BB ，仲會預備口罩同衛生衣服俾佢哋著。」
至於曹永廉和太太揀選法國醫院，同樣因為交通方便。「其實主要係daddy 媽咪住何文田，去醫院探BB 較方便，而且班姑娘真係好細心，話晒我太太係第一胎，換片餵奶樣樣唔識，係佢哋好有耐性慢慢教，令到我同太太都好放心！」
郭晉安和太太歐倩怡在浸會醫院3月生下仔仔Brad ，安仔笑言為抱B ，手臂更練出老鼠仔。
法國醫院分娩套餐
地址：九龍太子道327號
電話：22003434
曹永廉和太太姜依蘭的囝囝Brandon 已有7個月大。阿廉坦言若經濟許可，打算在短期內再生一個。
浸會醫院分娩套餐收費
地址：九龍窩打老道222號
電話：23398888
文昌星照旺東區
玄學家麥玲玲表示鼠年的文昌星位於東方，故孕婦選位於香港的東北、東南或正東方的醫院，如沙田仁安醫院、東區尤德醫院等產子較佳。「因為文昌星位於呢個方位，所以孕婦產子嘅時間會順利啲，喺產子嘅過程會少啲出錯，BB 出世後要留院照燈嘅機會較少。而西北、西南同西方嘅醫院，鼠年嚟講就弱啲。不過孕婦產子要留喺醫院時間始終唔算好耐，對BB 嘅影響唔算好大，最緊要係睇BB 嘅出生年、月、日。」
她又表示從醫院的名字亦可看出玄機。「譬如孕婦本身欠水，咁『浸會』醫院咪幫到佢，不過最重要睇番孕婦本身住邊區，冇理由咁遠都夾硬去。」
