劉美君早前回流香港開演唱會，演出大膽，並邀請坐在觀眾席的梁家輝客串火辣演出。
現年43歲的劉美君（Prudence ）早前回流返港完成演唱會，昨日於美國接受商台節目電話訪問時宣佈和丈夫離婚，經歷了兩次婚姻失敗的她坦言沒有再想過結婚，並指出今次離婚是因與丈夫性格不合。
劉美君一向歌路大膽露骨，復出頭炮《大開色界》中更有倒奶落身的鏡頭（右圖），最近又在新片中素顏上陣扮演妓女（上圖）。
現身處美國的劉美君，昨日透過商台節目《巴巴閉邊個夠我查篤撐》訪問，宣佈與第二任丈夫正式離婚。她指二人的性格不合而分開，她說：「我係離咗婚啦，大家都有試過救，都有一段時間，不過我應承我先生太細節嘅嘢唔會講太多，只會講埋今次，我都好怕返嚟做嘢大家只問呢個問題。」
「終結係好可惜」
Prudence於92年與導演黃泰來離婚後，與一對子女移居美國，其後在好友林憶蓮介紹下認識第二任丈夫，兩人於97年開始拍拖。節目主持人查小欣透露早於Prudence 返港舉行《大開色界》演唱會時，Prudence 已向她表示與丈夫有問題，主持大讚她為人專業沒有流露不快時，Prudence 說：「我一向呢啲嘢都唔會畀人睇，我死雞撐咋，唔係我點會唱《浮花》『原來未到家呀』。」
第二段婚姻只維繫了6年，Prudence 覺得決定分開也不開心，她說：「我都唔想件事發生，終結係好可惜，好彩身邊有好多好朋友、媽咪同我傾，媽咪都好支持我嘅決定，而且唔係我一個決定要離。」
「唔驚死再嚟過」
Prudence 又指現時的感情未有著落，但她坦言不想再結婚，她說：「任何事嚟就嚟，走就走，我唔會想再結婚，我都冇諗過會結第一、第二次婚，雖然結婚係一件好靚嘅事。」再問到Prudence 經歷兩次婚姻失敗是否受很大打擊，她說：「我唔會扮型，正常人都唔開心，我有脆弱時候，整痛咗我又唔驚死再嚟過，完結就完結，盡量唔好去諗。」最後她指會返港出碟以及傾談演唱會事宜，日後她會美國香港兩邊走。
其實Prudence 於2000年時被拍下與尹子維於蘭桂坊街頭激吻照，但遭她否認戀情，但也曾公開表示當時與男友分手，不過Prudence 其後返回美國跟男友再續前緣，並於02年結婚，惜最後仍是離婚收場。
採訪：李珮洳
《壹週刊》圖片
娛樂資料庫：92年與黃泰來仳離
劉美君18歲嫁予導演黃泰來（圖左），兩年後誕下兒子，最當紅的時候連工作也要帶著兒子方便照顧，24歲時再添一名女兒，惜其後婚姻觸礁，於92年與黃泰來離婚，至94年推出大碟《夜有所思．日有所夢》後，因同時聲帶生繭，便帶著一對兒女隨家人到美國生活。
