5呎6吋嘅雨僑(羽翹)，原名叫廖雨僑(羽翹)，自稱好鍾意唱歌，讀大學時又經常參加歌唱比賽，肯簽蕭定一只因老闆承諾今年一定有碟出：「老闆講明唔使行性感，又話今年一定有碟出，我考慮過先簽嘅！」似乎真係好恨出碟做歌星。
蕭定一旗下「肉女組合」Freeze 出親場都例少布，不過近排有個怪現象，就係身邊多咗個純情OL 款嘅女新人。
原來呢位係Freeze 同公司的新人雨僑(羽翹)（Ava ），恃住係港大畢業兼八級鋼琴，同師姐唱反調賣純情同才華，即係冇肉睇冇官能刺激，唔使旨意有電車、龍友界撐起，雨僑(羽翹)自己都話：「我公司冇Eason 、冇何韻詩得Freeze ，條路一定難行十萬倍！」
先苦後甜冇所謂，最驚苦盡唔見甘啫！
鬼叫有隊Freeze 做師姐，網友例牌問題：「係咪又係整容女，性唔性感先？」同樣問題新人雨僑(羽翹)聽過無數次，佢話：「老闆（蕭定一）話性感組合有Freeze ，所以同公司唔使有同類型藝人，我有8級鋼琴，所以咪sell 才藝，不過出到嚟個個都話我整過容，啲記者成日問我有冇整容？啲人又向我身材指指點點，將我睇成同Freeze 同類。」聽落有啲不滿！
港大校花
雨僑(羽翹)喺港大讀生物，全科男仔佔八成，有個索樣梗係成為同學焦點，不過雨僑(羽翹)就話：「我拍過三、四次拖咋，資歷好少。」
MV 出街
新歌〈待你差只想你怕〉MV 出咗街，有人讚佢靚聲不過MV 就超削，
影樓行嚟行去就拍完，男主角係李彩華細佬李健中，同門師兄，慳埋皮。
懷疑入錯行
不過家陣同3嬌搭埋一條船，同一間公司兼時時拖腳出席活動，雨僑(羽翹)縱唔妥亦焗住要撐師姐：「我自細讀女校英華書院，會考20分兼港大生物系畢業，搵份工月入過萬應該唔太難，不過自己因為鍾意唱歌演戲先入行，同學知道就指指點點，笑我同整容人一齊唱歌，不過再諗，鍾意唱歌演戲有罪咩？再講整容其實冇問題，其他人唔講唔代表佢哋冇整，唔係個個夠膽認，我哋唔好當佢哋異形咁睇咋！」
雨僑(羽翹)（右）去到邊都要傍住師姐，一度令人懷疑係Freeze 新成員，不過睇佢呢身OL 打扮又唔多夾，形象唔知佢開邊瓣。《蘋果日報》圖片
收入掹掹緊
不過同公司冇大星帶住，雨僑(羽翹)亦自知輸蝕，我公司冇Eason 冇何韻詩得Freeze ，而家做新人出街吓吓搭的士加上要著得光鮮，每個月最少都要兩萬蚊，平時得出騷有錢，收入真係掹掹緊，希望12月出新碟會有好成績啦！」簽咗10年蕭定一嘅雨僑(羽翹)，至少靚過欣宜同日本嘅青山黛瑪，少啲怨氣，希望在明天啫！
左起︰周秀娜、雨僑(羽翹)、馬閱
水著茄女
未簽阿一（蕭定一）前，雨僑(羽翹)讀港大year 3時做過大茄，曾經同阿嬌（紅圈）、方力申拍過《出水芙蓉》，雖然係茄角，不過都肯豪著三點式出席記者會，同場仲火併新紮嚫模有「翻版Gaile 」之稱嘅周秀娜，雨僑(羽翹)就話只係把握機會：「係朋友介紹我去casting ，我一早知要著三點式，亦係大茄，而且套戲講明係游水戲，著泳衣都好合情合理啫！」
《蘋果日報》圖片
精神分裂
早輪Freeze 同岩岩出道嘅師妹雨僑(羽翹)一齊幫老細蕭定一嘅網上電台做show 宣傳，呢頭Freeze bra top 上陣跳到癲，轉頭就見雨僑(羽翹)一個人自彈自唱玩純情，呢個場面夠晒精神分裂。
PROFILE
姓名：雨僑(羽翹)（Ava ）
原名：廖雨僑(羽翹)
年齡：23
身高：5呎6吋
體重：46kg
學歷：港大生物系學士
