徐子珊表明已做足心理準備，接受觀眾的批評。
攝影：葉君海
化妝：Dmix B
髮型：Ason Wong of HAIR
服裝提供：Miss Sixty
【溏心風暴之家好月圓 鬥戲人辦第七回】
徐子珊新加入《溏心風暴之家好月圓》，飾演Sa 姨（關菊英飾）的女兒嘉美，跟母親同樣喜愛搞風搞雨，且性格貪婪，愛用美色引誘男人。今次演反派的子珊跟菊姐有最多對手戲，她覺得最難衝破的心理關口，便是要勁鬧菊姐。她還坦言已做足心理準備，這個姣爆角色會備受批評。
撰文：卓寶花
溏心風暴之家好月圓
子珊在劇中一改男仔頭性格，工於心計的她不時色誘陳豪，以謀求利益。
電視圖片
徐子珊大讚飾演其母的菊姐十分專業，但因劇情需要而經常大罵前輩，壓力甚大。
無線重頭劇《溏心風暴之家好月圓》大部份角色起用舊班底，徐子珊有幸加入，並飾演Sa 姨的女兒嘉美，在中段出場後便會帶到尾。劇中的她是個大反派靚女，每逢出場必以姣爆姿態現身，她又繼承了母親Sa 姨的作風，不斷搞風搞雨，角色極不討好。
第一次做反派的徐子珊，對她來說是一個新挑戰。
改男仔頭性格
雖然明知角色不討好，但徐子珊認為這角色有發揮空間，她日前接受訪問時說：「係我第一次真正做反派，最大挑戰係要靚吸引人，演技上都有啲難度，因為講我性格好有心計，為追求安全感、權力同家庭去做好多嘢。」為做到散發騷味，徐子珊直言要忘掉自己的男仔頭性格，她說：「拍過時先要將自己男仔頭性格刪除先，劇中又有兩場泳衣戲，又要著bra top 跳舞，呢啲場面都係一個關口，因為我自從選美後都冇乜公開著泳衣。」
今次跟菊姐合作，徐子珊獲益良多，但也面對重重壓力，她說：「菊姐好專業，未埋位已經好認真對劇本，仲要係一字不漏，令身邊合作嘅人好舒服，呢方面我要好好向佢學習。難處就係我喺劇中除咗搞到滿城風雨外，仲要成日鬧菊姐，同前輩第一次合作，要做呢啲場面，係一個好難衝破嘅心理關口，令我有好大壓力，好彩菊姐帶住我，令我可以soft 啲。」
難與菊姐比較
在劇中，子珊會與阿卡（陳豪飾）和阿圓（黎諾懿飾）發展三角關係，但其實兩段感情都不是真愛，只是滿足利益和金錢慾望，初時以為阿卡財雄勢大而搭上他，後來又向阿圓投懷送抱，婚後才漸漸愛上阿圓。談到跟陳豪合作，子珊說：「我都係第一次同陳豪合作，冇預計過佢咁搞笑，好有喜劇潛能，講佢鍾意我靚，有啲小節位陳豪做出好多可愛鬼馬表情，令到劇中嘅我對佢加分。」
多數反派角色，外間迴響也較多，徐子珊表示乃意料中事，也不介意遭狠批，她說：「冇理外間反應，諗唔到咁多，反正都拍咗，只係希望我同菊姐都受歡迎，因為好難比較，自己戲齡比較淺，觀眾又未睇過反派嘅徐子珊，咪當收集多啲意見。相信每次拍劇都會有批評，就算20年後都一樣有，期望繼續進步。」
此外，《溏》劇收視繼續高企，上周平均收視為34點，約有213萬觀眾捧場，最高則為37點，約232萬觀眾收看。
怒火中燒的紅姨（左）在廁所狠摑荷媽一巴。
電視圖片
搶先爆︰紅姨怒摑荷媽洩憤
今晚播映《溏心風暴之家好月圓》的第24集，劇情進入高潮，紅姨（米雪飾）終於脫下假面具，出招對付荷媽（李司棋飾）。劇情講述Jo 飽（夏雨飾）打算為永好（林峯飾）和阿卡（陳豪飾）準備3,000萬作日後結婚之用，可惜遭紅姨堅決拒絕，雙方更發生激烈爭執。
荷媽和紅姨及後在廁所相遇，怒火中燒的紅姨覺得因為荷媽的存在，令她的地位處於劣勢，盛怒之下狠狠摑荷媽一巴，更揚言：「為咗頭家我已經豁咗出去，邊個搞散頭家都會同佢死過！」
另外，Sa 姨（關菊英飾）從紅姨口中得知公公替Jo 飽保管巨款，Sa 姨向他追問，公公被迫承認但拒絕分錢給她，但卻惹來Sa 姨另一個貪錢大計，與恩賜（阮兆祥飾）密謀搶錢，與此同時更發現荷媽與公公的血型不同，懷疑荷媽不是公公的親生女。
溏人心聲
最愛劇中金句--鬧月Devil Woman
「我成日會話人『devil woman 』（邪惡女人），都幾啜核，仲成日用嚟鬧阿月（楊怡），但又會畀佢用嚟鬧番轉頭，幾得意。」
自選最愛場面--菊姐追住嚟打
「有一場戲菊姐用藤條『拂』我，仲係追住我嚟打，打到我紮紮跳，又痛又有印，呢場戲令我最深刻。」
表現最好演員--李香琴活力足
「我最鍾意係
（李香琴），雖然我同琴姐對手戲唔多，但戲內戲外琴姐都好親切，演得好有活力，如果現實生活有一位咁嘅
會好開心。」
