雖然「假面小生」一向都唔認自己執過晒啲面口，
其實呢啲嘢點呃得過觀眾對精明眼呀。尤其慣咗電視餸飯嗰班牛頭角順嫂、
香港仔大嬸，佢哋正式係睇住佢大、睇住佢變一樣。
媽咪姐有個姊妹同「假面小生」一家好熟，係熟到「假面小生」嗌呢個姊妹做auntie ，
平時講嘢已經去到唔使避忌嗰隻，所以兩家周不時飯來飯往。有一次，呢個姊妹又喺「假面小生」屋企開餐，
「假面小生」可能套新劇掂，開心得滯灌咗兩杯，搞到個人有啲飄飄然，食食吓飯，突然指住自己個鼻同對眼大讚，話整得好、整得正，大讚個醫生手勢頂呱呱，仲問auntie 有冇朋友想執吓副五官，佢可以介紹喎。
呢個姊妹講番俾媽咪姐聽嗰陣，係一把眼淚架，不過大家唔好誤會佢係戥「假面小生」自爆難過，
而係一路講一路笑，笑到標眼淚咋！
如果您喜歡這篇文章，請按「讚」或分享給您的朋友，以示鼓勵。
