兩人講完電話，章子怡即以銷魂眼望一望霍啟山，男方即指一指向上有所示意，唔通佢哋有下場？
出道以來愈戀愈富的章子怡，雖然早前自爆與未婚夫ViVi 即將拉埋天窗，但上周五晚單拖出席內地的慈善活動時，一樣大發姣功滿場飛，所有雄性動物都成為她的目標，舊愛霍啟山與過氣哎
老爺霍震霆當然不例外。表面上章子怡與霍啟山沒交流，只是臨走來個goodbyekiss ，其實兩人不但暗煲電話粥，更不時眉來眼去，似乎唔止再見亦是朋友咁簡單！
霍啟山
呢啲咪叫擋不住嘅風情！（設計對白）
鬼祟通電
活動差不多尾聲時，霍啟山撥電話，同枱章子怡的電話隨即響起，兩人更同時掩住電話細聲講，動作默契一致到暈。
離去時，霍氏父子跟眾嘉賓由正門離開，唯獨章子怡靜雞雞由後門的貨𨋢走，當記者發現其蹤影時，她立即召保安截住記者，仲鬼咁得戚同記者拜拜添！
當年有傳霍震霆對啟山與章子怡的戀情有微言，如今面對熱情如火的章子怡，霍震霆似乎有點受寵若驚，難怪笑容拘謹。
熱攬霍父
雖然做唔成新抱，不過世界女章子怡見到霍震霆，即時交足戲熱情上前擁抱，咁有話題性的相片，令章子怡立即成為傳媒焦點。
章子怡與不少奧委十分稔熟，更埋身咬耳仔達5分鐘。
呢位男士與章子怡初次見面，但見面禮就錫完左邊面再錫右邊面，唔通真係禮多人不怪？
冇未婚夫喺身邊，章子怡突然多咗男士埋身，個個又攬又錫。
任攬任咀
當日出席慈善晚會的，不是達官貴人就是才俊及奧委，而媚功了得的章子怡，不但與眾男任攬任咀，更傾偈傾到差啲鼻貼鼻。
臨走時，章子怡不忘施展身體語言，回眸一笑，殺死人！
冧爆城城
章子怡經過城城身邊時，如發現新大陸，誇張地叫︰「Hi ！好久不見。」更隨即伸出玉手，城城就十分受落，親暱地拉住她的手吹水十分鐘。
尷尬
汁
一向甚有威嚴的霍震霆，晚膳後下巴突然多咗滴
汁，不過旁邊的囝囝霍啟山，個心已經飛咗去靚女度，又點記得提醒老竇
？
當眾補嘴
可能因為多次送吻，席間，章子怡突然嗱出唇彩，在眾賓客前補嘴，儀態次要，最緊要靚！
