左起：李曾超群、李司棋和胡美儀拿起參賽者的蛋糕來鑑賞。
李司棋（荷媽）昨日到奧海城出席慈善舞台劇《留住百味情》的宣傳活動，與現場觀眾玩切蛋糕比賽。她表示所有購買門票的觀眾均有份做善事，她說：「今次我哋會幫癌轉譯研究組織籌經費，我自己都有過癌症，電療同化療真係好傷害身體，希望呢個組織研究到啲新方法，令病人唔使受咁大傷害。」
廣告接不停
此外，荷媽昨日又到旺角出席匯豐銀行新旗艦中心的開幕活動。荷媽透露近期忙個不了，前晚才剛由馬來西亞返港，她說：「去過邊都係做《溏心》宣傳，順便拍咗個三菱電機廣告同新龍發製藥宣傳活動。而家我啲工作交晒畀TVB 幫我打理，以為時間可以鬆動啲，點知都係忙到休息時間都冇，捱多一個月啦，10月可以有假放，到時我會去杜拜抖抖鬆一鬆。」採訪、攝影：梁錦雯
