Miki 後防鞏固
專攻𡃁仔𡃁妹，以刀仔鋸大樹成為千萬票房導演嘅葉念琛又有新戲上，上星期四（八月廿一日），新片《親愛的》喺奧海城搞首映，除咗男女主角，金牌娛樂黃柏高仲拉埋至愛吳京捧場。
有份演出《親愛的》嘅Miki 以白色tube dress 到首映，落台時，助手第一時間出手㩒住裙尾，以免有怪風將Miki 條裙吹起，重蹈Theresa 覆轍。
同曾愷玹、安志杰合照，Miki 同安志杰嘅貼紙黐埋一齊，如果將Miki 換上Rosanne ，效果更佳。
自己
飛嘅新戲上，安志杰叫埋女友Rosanne 到場睇首映，雖然Race （左一）同伍允龍（左二）做電燈膽，但關係不言而喻。
雖然成績唔及同門Stephy 、Theresa ，但Miki 其實call 到客。
公司有戲上，Paco 拉埋鎮山之寶吳京撐場，見到中國星太子爺向佐，Paco 即刻介紹二人相識。
同周杰倫傳緋聞嘅女主角曾愷玹是夜單拖赴會，同對手Miki 楊愛瑾以白色tube dress 孖妹上陣，Miki 雖然唔係第一女主角，但到場支持佢嘅fans 人多勢眾，有過Theresa 喺書展遭怪風吹襲，搞到露底教訓後，工作人員處處小心，當Miki 簽完名返落台，助手第一時間㩒住Miki 屁股位，保證怪風不得逞！
首映當晚，同男主角安志杰傳緋聞嘅Rosanne 合照時雖然拉埋妹妹Race 同伍允龍一齊，但就承認係安志杰嗌佢去，對於二人關係，Rosanne 仍堅持係「公開嘅好朋友」。唏，拍拖就大方嘅認咗佢，郭晶晶都公開感激霍啟剛啦！你邊位？咪扮嘢！
