所謂一寸長一寸強。要有一對炯炯有神的大眼睛，秘訣係靠一支令你雙目無痛瞬間增大的睫毛液。市面上林林總總睫毛液，濃密增長螺旋梳刷甚至最新出的免夾式……邊支先岩你？唔盲目跟風，除靠口碑，當然亦要睇睫毛性質，是長是短，濃密稀疏，各有各策略，對症落藥，才能做到點睛效果。
橡膠製刷頭
今季跑出的新興橡膠製刷頭，較傳統的纖維刷更有彈性，而且功能更結合了一般掃頭及梳刷的優點，標榜搽睫毛液前唔需要先夾睫毛，直接搽上即有鬈曲效果，基本上任何類型的睫毛都適合使用。
測試方法
以專用睫毛量度器及間尺，量度模特兒未搽任何睫毛產品前的睫毛長度及鬈曲度，然後逐支新品搽上測試，再量度其濃密/ 增長/ 鬈曲效果。
1.Diorshow Iconic Curler Mascara $220
濃密度：★★★★
增長度：★★★（增長0.1cm ）
鬈曲度：★★★★（鬈曲3.2度）
總評：刷頭比傳統的細一半，螺旋設計由細至粗，富彈性，故搽法亦有別一般的「Z 」形塗抹方法，垂直筆幹利用刷尖將每條睫毛向上挑，已做出相當濃密的公仔眼。
2.Clinique Curling Mascara $160
濃密度：★★★★★
增長度：★★★★（增長0.2cm ）
鬈曲度：★★★★（鬈曲2.5度）
總評：新月形掃頭，連眼頭眼尾的睫毛都兼顧到。質地順滑，易塗抹，色澤夠深，增長效果最突出，搽後對眼睇落好精靈。
3.Chanel Exceptionnel Mascara $225
濃密度：★★★
增長度：★★（增長0cm ）
鬈曲度：★★★★（鬈曲3.2度）
總評：掃頭結合了刷頭及梳子的設計，配合邊轉邊拉的塗睫方法。增長麻麻但鬈曲效果理想，唯質地濕，風乾時間長又易甩色。
4.Bourjois Liner Effect Mascara $108
濃密度：★★★★
增長度：★★★（增長0.1cm ）
鬈曲度：★★★★★（鬈曲3.3度）
總評：一頭兩用，先將短刷毛的一端貼近睫毛根部向上掃幾次，眼線位即時上色，再用另一端「Z 」形做增長及濃密效果，一筆過搞掂畫眼線搽睫毛工序，喂OL 新寵！
睫睫上升
1.搽睫毛液前，一定要先用睫毛夾輔助塑出弧度。正確方法，眼睛先向下望，將睫毛夾放在睫毛根部位置，把睫毛分成左中右三部分，順序各輕力夾5-6下，注意力度要輕及手勢要微微向上推，加強睫毛鬈曲度。
2.塗睫毛液前，應先搽一層睫毛底膏，保護及滋潤睫毛外，其白色纖維仲可以令睫毛變得更長更濃密，兼令眼睫毛冇咁易下塌添！
3.唔想令睫毛咁易塌，塗睫毛液應先從睫毛中段開始向上掃，然後才以Z 形手法來回輕刷睫毛根部。
4.唔小心將睫毛液沾到眼皮，可以棉花棒在睫毛液風乾前輕輕抹走，若是防水睫毛液，則可沾少許lotion 輕手抹走。
5.防水睫毛液一般都較難卸除，可將沾了眼部卸妝液的落妝綿敷上眼15-20秒，然後輕輕向下抹，重複至徹底卸淨為止。
細齒形刷頭
眾多刷頭中最容易控制的一款。能讓睫毛液平均分布同時梳理整齊，順滑自然分明，最岩典型東方睫毛幼細女士。至於單眼皮及短睫一族，可選用鑽頭形設計睫毛刷，其環迴鑽頭令纖維更易黏住睫毛，令雙眼即時變孔雀開屏，仲冇咁易沾污眼皮添。
1.Ettusais Metal Impact Mascara $120
濃密度：★★★
增長度：★★（增長0cm ）
鬈曲度：★★（鬈曲0.5度）
總評：刷頭超細，容易塗抹，但質地濕，易令睫毛下塌，比較適合on top 加色。
2.IPSA Volume Impact Mascara $220
濃密度：★★
增長度：★★★（增長0.1cm ）
鬈曲度：★★★★（鬈曲2度）
總評：具兩種不同長度的齒梳，微小的新月形能做出唔錯的自然增長效果，最鍾意另一端的超短齒梳，可以緊貼睫毛根部，易搽好多。
3.Sofina AUBE Coil Comb Mascara $200
濃密度：★★★
增長度：★★（增長0cm ）
鬈曲度：★★★（鬈曲1度）
總評：掃頭頂部兼有細小毛刷，方便塗抹眼頭、眼角等細小部分，整體效果自然，最岩上班族隨身補。
4.Majolica Majorca Lash Enamel Glamous $199
濃密度：★★★★
增長度：★★★★★（增長0.3cm ）
鬈曲度：★★★★（鬈曲2度）
總評：同時能做出纖長及濃密效果，又唔會令睫毛黐埋一
，效果持久，輸在卸妝困難，要多抹幾次才能徹底清除。
5.YSL Everlong Mascara $215
濃密度：★★★★★
增長度：★★★★（增長0.2cm ）
鬈曲度：★★★★（鬈曲3度）
總評：長方形掃頭大，做到濃密效果，鬈曲度明顯，可長時間keep 住挺直。唔好處是掃頭大到難控制，設計上明顯較適合歐洲洋妞。
幻長螺旋頭
形狀修長，好處是輕易控制做出扇形效果，適合睫毛長度適中但唔夠濃密女生使用。想再誇嘅，另一修長版的欖形刷頭，前後部分收窄，方便塗抹難觸及的角度，想扮Theresa 用佢最岩。
1.Calvin Klein Lengthening Mascara $140
濃密度：★★★
增長度：★★★（增長0.2cm ）
鬈曲度：★★★（鬈曲1度）
總評：質地稀，塗抹順滑，多搽幾層都唔會起粒，效果自然，最岩睫毛幼女生。
2.Shiseido MAQuillAGE Full Vision Mascara $220
濃密度：★★★★★
增長度：★★★★★（增長0.3cm ）
鬈曲度：★★★★（鬈曲3度）
總評：3重效能掃頭，纖維特多，同時提升睫毛根部兼保持睫毛向上翹，效果持久，岩睫毛短小一族。
3.Guerlain Two Brush Mascara $260
濃密度：★★★★
增長度：★★★（增長0.1cm ）
鬈曲度：★★★★（鬈曲3度）
總評：雙掃頭設計，微曲細掃頭，照顧眼頭眼角轉彎位，另一邊normal 。可惜外形太長，帶出街幾擲使。
4.Dejavu Fiberwig Mascara $98
濃密度：★★★★★
增長度：★★★★（增長0.2cm ）
鬈曲度：★★★（鬈曲1度）
總評：新配方加入雙倍纖維，能做出濃密超長效果之餘，睫毛仍然根根分明，就咁用溫水卸妝即可，方便兼超抵用！
5.Revlon Lash Fantasy Mascara $98
濃密度：★★★★
增長度：★★★★★（增長0.4cm ）
鬈曲度：★★★★（鬈曲2度）
總評：Base coat 及mascara 合一，濃密同時纖長。但質地濕及重身，容易令睫毛互黐兼起粒粒，易甩易化。
粗纖維刷頭
缺點是粗大難搽易沾污眼皮，但優點正正是因為刷頭夠粗大，可黏附大量纖維，營造濃密效果最出色。化妝師Janice 教路，用呢類睫毛刷時，要先用手將眼皮輕力向上戚，再打直支筆，利用刷尖在睫毛根部一筆筆掃出濃密效果。扮公仔？無難度囉！
1.Helena Rubinstein Lash Queen Mascara $250
濃密度：★★★★★
增長度：★★★★★（增長0.3cm ）
鬈曲度：★★★（鬈曲1度）
總評：含墨黑色素，令色調更深，加上濃密效果極出色，塗抹後好似黐咗假睫毛咁，兼有超強防水功效，落埋水都唔怕變熊貓眼。
2.Giffarine Intelligent Mascara $215
濃密度：★★
增長度：★★★（增長0.1cm ）
鬈曲度：★★★★（鬈曲2度）
總評：質地輕身，塗抹容易，效果自然勝於濃密，適合OL 日間返工搽多嘅。
3.Estee Lauder Bold Volume Lifting Mascara $200
濃密度：★★★
增長度：★★★（增長0.1cm ）
鬈曲度：★★★（鬈曲1度）
總評：纖維數量多，但偏乾，塗抹時唔夠順滑，易令睫毛黐成一
，建議塗抹後一定要用睫毛梳善後。
4.Majolica Majorca Lash Gorgeous Wing $199
濃密度：★★★★
增長度：★★★★（增長0.2cm ）
鬈曲度：★★★★（鬈曲2度）
總評：掃頭大小適中，易控制，質地輕身，纖維數量多又長，只須輕輕掃幾層已經有理想效果。
5.Paul &Joe Lash Mascara $250
濃密度：★★★
增長度：★★（增長0cm ）
鬈曲度：★★★（鬈曲1度）
總評：掃頭過大，好易將睫毛液沾到眼皮上。勝在快乾，就算重複搽幾層都唔會黐埋一
。
化妝師Janice's tips
「搽完mascara 後一定要用睫毛梳梳順，以防睫毛互相黐實，造成核突
腳。如想持久嘅，可用埋睫毛專用電棒，由睫毛根部向上掃即可，效果應該keep 到一日。」
化妝師Annie's tips
「如是睫毛稀疏女生，可在坊間買一種一撮三條的假睫毛，慢慢逐綹黐，然後補睫毛液，令真假睫毛一體化。想效果更自然，在搽睫毛液前，最好先在紙巾上輕輕揩走多餘纖維部分，可免除分量過多、過濕而令真假睫毛黐成一pat 。」
