古巨基昨日到鳥巢準備採訪劉翔，對於他退出，基仔讚他已盡全力。
欄王劉翔昨日因傷被迫退出110米跨欄比賽，無緣問鼎奧運金牌，專程到北京採訪好友劉翔的古巨基坦言很可惜，並會傳手機短訊慰問他。基仔大讚他為了不想讓全國人民失望，忍痛到最後一秒，表現堅強。劉德華則畫了幅圖畫鼓勵劉翔，並表示其健康才最重要。
萬眾期待的欄王劉翔昨日到鳥巢出戰110米跨欄比賽，可惜因腳傷而臨時決定退出，令全世界中國人失望而回。專程到北京為無線採訪好友劉翔的古巨基，昨晨9點已到達鳥巢準備。
基仔得知劉翔退出後接受長途電話訪問，他說：「劉翔出場時全場哄動，當佢做熱身跨咗兩個欄後，就見佢踎低。我之前都聽到話佢有舊患，當佢第一次跑，因為有人偷步返去起點，見佢
吓，之後離開跑道，接住現場廣播話佢退出。」
華仔（小圖）在網頁上以他的公仔Andox ，畫了幅圖畫鼓勵受傷的劉翔。
「覺得佢好堅強」
基仔表示目前劉翔最重要是治理傷勢，問到有沒有傳短訊問候他？基仔說：「我會，我覺得佢好堅強，撐到最後一秒，對佢嚟講做一個咁嘅決定真係好難受，佢知道大家對佢有期望，唔想大家失望，所以先捱到最後一刻。」
問基仔會否提早返港，他透露無線有安排其他工作給他，故此不會提早回港。至於昨日生日是否感到掃興？基仔說：「心情好矛盾，生日願望希望劉翔能早日康復，希望所有人都祝福同關心佢。」
至於劉德華則在網頁上以他的公仔Andox ，畫了幅圖畫鼓勵劉翔。對於他因傷退出，華仔說：「我相信13億人民希望佢健康，多過佢嗱唔嗱到金牌，之後大把機會再嚟過，健康先係最緊要。」
曾與劉翔合作拍廣告的劉偉強，昨日收看奧運賽事時，看到劉翔退出，他感到很可惜，昨日他在電話中說：「睇佢好似傷得唔輕，今年初同佢合作拍廣告時，佢仲好生猛，諗住全心準備京奧，原本佢對奪金牌好有信心，而家退出，一定好傷心。」
劉偉強指劉翔反應很快，但離開跑道後，他即變成另一個人，他說：「平時唔喺跑道，佢好鬼柔同慢，上咗跑道就似老虎仔，跑得好快同充滿爆炸力。」
胡諾言被轟亂
此外，昨日無線收到三宗投訴，指胡諾言旁述時胡言亂語，因為當劉翔除去運動服之後，又再穿回準備出賽時，他說：「劉翔冇事嘅，頭先應該係戲嚟嘅。」無線外事部副總監曾醒明表示，相信胡諾言是無心之失。
採訪：葉雪
楊千嬅
李克勤
陳慧琳
何守信
全城熱話
千嬅：希望佢安心養傷
劉翔昨日因傷退出比賽，一眾演藝界擁躉均感到十分可惜，並祝他早日康復。
楊千嬅：賽事前我希望佢可以為國爭光，點知佢因腳傷要退出比賽，真係有啲意外同失望。我諗佢都會覺得遺憾，希望佢可以安心養傷，將來再捲土重來。
李克勤：好震驚，冇諗過會係咁，明白佢背負住全中國人嘅壓力，睇到佢唔可以參賽，佢表現得好失望，希望佢可以重新振作。
何韻詩：我諒解如果我係佢會有好大壓力，咁多中國人睇住，當時見佢好辛苦好痛。我相信佢比大家更難過，大家向前看，以後可能有更好成績。
陳奕迅：我真係覺得好可惜，劉翔練咗咁耐都係等呢一日，相信佢本人都會好失望，希望佢盡快好番，將來可以再為國家出戰。
陳慧琳：最緊要係身體，佢仲後生，可以等下屆，希望佢唔好咁自責，我會繼續支持佢。
何守信：唔開心，發生咁大件事，好失望、冇晒癮。見佢試跑個樣好痛就知有事，之後出場好擔心佢。破奧運紀錄比世界紀錄更矜貴，若果叫佢下次再嚟係廢話多餘，四年後邊有而家咁全盛嘅水準，如果佢盡力，我仍然尊敬佢，佢為中國田徑場上寫上紀錄
