跨欄名將劉翔今年6月透過微博，宣佈因性格不合，同結婚僅9個月嘅老婆葛天閃電離婚，據內地報導指因葛天扮懷孕逼劉翔領結婚證，令劉翔家人覺得受騙，先導致離婚收場。
劉翔前妻葛天近日收拾心情，不時喺微博貼出工作相，點知都有惹嚟網民炮轟，指葛天如果唔係有劉翔做「靠山」，根本唔會紅，被鬧係「小騷貨」，又話葛天喺某個聚會上攞出結婚證。
不過，葛天即寸對方唔鍾意就唔好睇，前日於微博留言：「不喜歡不要看，注意用詞，至少我還沒開評論限制，從沒做過這麼low的事，謝謝，結婚證一直都是他在保管，我一直靠自己努力拍戲，沒靠過任何人。」
葛天跟手又再更新微博，寫道：「我這人比較直，除了真實沒剩甚麼了，為了愛我的人我會越來越好的，努力拍更多好的作品帶給大家，別的不廢話了，感謝愛我的人，不會辜負這份厚愛，工作去了。」唔少支持葛天嘅網民亦紛紛留言叫佢唔好在意，做好自己就得。
from:
http://hk.apple.nextmedia ... 150820/19262780
