但我有女撐！（設計對白）賽前大熱的黃文迪（圖左）因表現緊張，終敗給全程展現腰果眼
女笑容的朱允崇。
每年製造出唔少爆笑場面的《香港先生競選》，上週六晚（八月二日）在六百多名女士的尖叫聲中結束。賽前屬大熱人馬的10號黃文迪（Dickson ），雖然跟「長腳蟹」呂慧儀的緋聞助旺唔少聲勢，但最終慘敗給被傳與3號溫家偉大玩斷背情的「肌男」12號朱允崇。
據知，呂慧儀原本是評判之一，但無線最後將佢飛出局，搞到連現身撐男友機會都無。雖然嗱唔到冠軍，但一心諗住殺入電視界的Dickson ，本週一（八月四日）坐住緋聞女友座駕到電視城面試，實行簽約TVB ，同女友以情侶檔身份齊齊搵錢！
嘻！我贏晒！（設計對白）
飛出評判團
一年一度的《香港先生競選》，上週六在無線電視城舉行，全晚高潮莫過於十二位肌男濕身激凸泳褲環節，雄風盡現眼前，令全場六百名女觀眾陷入失控狀態。至於擔任過多屆港男評判、永遠交足戲表現最「猴擒」的伍姑娘（伍詠薇），當晚已事先張揚帶定秘密武器到場，見到肌男埋身握手拉票，即拎出氧氣罩狂吸，令全場爆笑！
至於賽前新聞多多，一直被視為冠軍級人馬的呂慧儀緋聞男友Dickson ，即使擁有八
朱古力腹肌，可惜當晚表現緊張，被擁有超可愛笑容加腰果電眼的朱允崇，以由頭帶到落尾姿態勇奪冠軍。
模特兒出身的Dickson ，當晚雖然有唔少同行好友做評判，可惜仍大熱倒灶，加上笑容欠奉，緋聞女友呂慧儀又臨時被無線飛起唔俾做評判，未能到場幫手打氣。「原本Konnie （呂慧儀）有份做評判，但無線為免人哋覺得佢偏幫，所以臨時通知佢無份做，連去現場睇都唔得。」知情者說。
4/89:00am
緋聞男友黃文迪失意港男，呂慧儀唔只即晚致電安慰，本週一更晨早起身做司機，車男友到電視城面試，然後去餐廳食早餐（下圓圖）等男友好消息。
「長腳蟹」呂慧儀當選港姐後發展不俗，如今男友入埋無線，實行以情侶檔齊齊搲銀。（《蘋果日報》圖片）
女友接送
愛郎落敗，呂慧儀除即時致電安慰，更鼓勵對方加入無線。
本週一（四日）早上九時，記者發現呂慧儀駕喺紅色Jazz 座駕，接載Dickson 到電視城進行試鏡。為免被人發現，她刻意將車停泊在遠離正門較偏遠的位置，才前後腳落車。Dickson 後來獨自到一廠面試，戴住帽的呂慧儀則急步到西餐廳食早餐。
據知，Dickson 已打算簽約無線，一心同女友拍住上，而呂慧儀日前出席活動時亦漏了口風，表示想以情侶檔搵錢：「我支持佢入娛樂圈，如果酬勞好都唔介意以情侶檔合作。」
黃文迪以八
腹肌的fit 爆身形
掂一眾女評判，雖然最後輸給笑容甜到漏的朱允崇，但賽後仍得到朱凱婷等評判安慰。
在美國長大的朱允崇得獎後即被大批鬼妹團團圍住爭影合照，新鮮出爐港男冠軍果然夠魅力。
氧氣救命
伍姑娘年年對住港男都交足戲，當晚C 溫家偉埋身握手，更突然拎出私家道具氧氣罩狂吸，令全場笑到肚痛。
失儀喪笑
首次做《香港先生》司儀的楊千嬅，對住成班騎呢港男，忍唔住全晚不停喪笑，連對白都唔識講。
「掙爆」驚嚇
花名「掙爆」的D 陳冠標，每次出場均做出騎呢動作，驚嚇度十足，連見慣大場面的譚玉梅（紅圈）都俾佢嚇親。
關心妍
陸詩韻
港女谷胸助興
港男晒胸肌，一眾港女亦唔輸蝕，關心妍、陸詩韻均谷胸上陣，而平日打扮密實的沈卓盈（圖黃裙）亦罕有騷「哥利」，坐隔籬的陳凱怡都睇到眼金金。
