FACEweekly 每週嚴選全城最hot face 人物成封面icon ，本週是剛於上週三推出首本水著寫真《On The Move 》的HotCha 。入行年半，3女Regen 、Crystal 及Winkie 已嗱過去年叱
新力軍組合金獎，及有自家fan club 喝茶會，新近除為《Keroro 》電影配音，更砌低江若琳做online game 《勁舞團》代言人，仲有出演葉念琛《絕代雙嬌》及馬偉豪電影《愛得起》！
3傻互數優缺
Crystal profile
有planning Winkie ：「佢係我哋之中做事最靜最有planning ，而且好勤力，尤其係練歌！」
慢熱被動 Regen ：「Crystal 份人較慢熱，答記者問題總係被動啲，而且相比起較易唔開心。」
中文名：張紋嘉 年齡：23歲 星座：巨蟹座 身高：163cm
學歷：理工大學傳理系畢業
入行：06年於鄭融「Neway 06世界杯決賽周」宣傳片任dancer 而被發掘。
偶像：張國榮，「唔係因為歌，而係因為佢靚仔同理專業工作態度。」
Winkie profile
正能量王 Crystal ：「Winkie 最叻搞氣氛，雞啄唔斷周身郁，好多事都可以從正面看待。」
衝動王 Regen ：「佢極冇耐性，有時等咗一陣就已經話等咗好耐！而且佢好衝動，試過我哋同公司有拗撬佢第一時間話要投訴！」
中文名：黎美言 年齡：21歲 星座：天秤座
學歷：城市理工大學商業語言系（英文、法文）畢業
入行：06年參加動漫節「The One Competition 」而被發掘。
偶像：Beyonce ，「我哋3個都好鍾意聽R&B ，自己尤其係R&B ，因為好有節奏感，而且佢跳舞好strong 。」
Regen Profile
純真 Winkie ：「年紀細夠純真，講心事嘅意見同其他人差唔多，但出自佢把口總覺得安慰啲。」
成日講錯嘢 Crystal ：「成日心急口快講錯嘢，最記得一次〈不愛防曬〉，
TVB 上榜嗱No.1唔係領獎，竟然發台瘟講：『多謝TVB 頒個獎畀佢！』」
中文名：張惠雅 年齡：19歲 星座：處女座 身高：160cm
學歷：中五
入行：04年參加了Neway 舉辦的「星途歌唱比賽」獲季軍
偶像：草蜢，「其實我哋係好想學佢哋，都係3個人組合，但佢哋可以每次喺台度都好放好好玩！」
激安！HotCha 寫真
HotCha 《On The Move 》是近期寫真大戰中最平，$68連新歌〈小野蜜〉VCD ，截稿日150套$288連Life crossover tee 限量版售清。
是次寫真HotCha 特別去到日本取景，除東京市面更到千葉懸沙灘展示水著look 。攝影師Jimmy 亦是JJ 及Theresa 最新寫真集的攝影師。
入行以來同I Love U Boyz 可謂合作最多，曾經一齊拍海南島TVB 節目，最近仲一齊拍廣告歌《火熱悶棍la la la 》。
7月21日是Crystal 23歲生日，正同Winkie 拍緊《絕代雙嬌》，Regen 就探班送蛋糕！
Crystal 與Winkie 於電影內飾演Stephy 下屬，專俾佢蝦，但2人就大讚Stephy 好nice 。
童言無忌撐Theresa 寫真
Twins名存實亡，Cookies 、女生宿舍獨立發展，本地樂壇數得出的女子組合只剩同期出道一冷一熱Freeze 同HotCha ，3人都係跳舞，估唔到的是，性感至上的Freeze未有寫真集，sell 健康的HotCha 出影寫真反而是第二回。
是次賣點，莫如首度bikini 水著look ，除了隊中年紀最輕的Regen ，外加背心上陣，有報道說是家人唔准，「其實主要原因係自己，同朋友去遊船河試過bikini ，總係覺得被成千對眼望住，好唔自然，結果都係加tee 先舒服，今次去日本千葉縣沙灘，攝影師Jimmy 亦係想效果靜啲自然啲，所以我都係加背心上陣。」
對身材冇乜自信的其實仲有Winkie ：「我玩開田徑，所以自知腳粗，入行時已經怕俾人笑。」Crystal 亦補充：「年頭喺世貿開完mini-concert ，公司竟然都幫我哋祝捷，更喺過晚放縱盡數心中情，我因為箍牙，Winkie 就因為玩田徑腳粗，一直耿耿於懷，呢次係入行最深刻的一晚。」
書展寫真大戰，HotCha 話事前完全唔知有咁多人出，3個傻女仲傻到幫人賣廣告，Crystal ：「Theresa 過本真係影得好靚！佢皮膚又白又靚，我一定會買本嚟儲。」Winkie 又話買JJ 過本，異常興高采烈，入行後仲咁「童言無忌」實屬難得。
電機Winkie
據HotCha 自己講，隊中發電機要數Winkie ，樂觀、長期口多冇時停，仲會專登入大啲的傷殘廁所對鏡練舞。
喊包Crystal
回想入行，HotCha 3女亦曾試過在無數Press Event 備受冷落，冇記者冇閃光燈，感情至上的Crystal 就曾試過落淚：「到夏天〈不要防曬〉派台先至好番啲。」
撞鬼Regen
Regen 出trip 例必是與Winkie 同床：「Winkie 樂觀天不怕地不怕，惟獨係怕
酒店，試過於馬來西亞一間酒店房，Winkie 發現天花板有個只有4隻手指的掌印，驚到我哋兩個，為咗邊個去沖涼先而嗌交。」Winkie 插口話：「我即刻祈禱冇事，Regen 第二日就病喇，仲嘔咗啲有電油味嘅嘢出嚟。」
