我人多勢眾。（設計對白）
露出大肉背嘅黃伊汶，當日自費請咗6個dancers 伴舞，真係出錢又出力。
曾幾何時，同樣走性感跳舞路線嘅鄭希怡（Yumiko ）同黃伊汶（Emme ），勢成水火。不過，自從Emme 放長假之後，佢哋鬥到七彩嘅場面已經冇出現。
不過，隨住Emme 再戰江湖，呢對冤家又鬥過。上周六（19日）佢哋齊齊有份演出喺石硤尾搞嘅迎奧運宣傳活動。死敵再相逢，Emme 以「本」傷人，除咗自費搵咗成班dancers 伴舞外，仲不惜大露背上陣。
Emme煞有介事，Yumiko 就好整以暇，出場前同衛詩打牙骹，跟住又同記者打羽毛球，當對手冇到，高招。況且，Yumiko 唱現場，Emme 就咪嘴，高下立判咋。
臨出場前，Emme 戮力綵排。
你咪嘴嘅！（設計對白）
Yumiko 唱功雖然一般，但始終係唱live ，比Emme 咪嘴勝一籌。
出場前Yumiko 輕鬆打羽毛球，完全當對手冇到。
