阿Sa出書踢走鄭中基

阿Sa出書踢走鄭中基
19/07/2008

蔡卓妍（Sa ）與父親為慈善聯手出書籌款，以文字、插畫和相片公開十多年《單‧親‧愛》的父女情歲月，在今年書展將力敵一眾女星火辣「寫真集」，而首本著作邀得一眾圈中好友出手相助，緋聞男友鄭中基卻遭阿Sa 以「唔 Feel 」為由拒諸門外。

阿Sa 今次與爸爸以「分頭」形式各自寫稿，經常出現阿女追老竇交稿情況，阿Sa 笑言：「佢永遠過晒deadline 先交稿，激死我！」此外，書中最珍貴部分是Sa 爸將愛女送給他的圖畫和書信在書內曝光，珍貴程度更勝「比堅尼寫真」。

廣邀好友寫序
序的部分，阿Sa 邀得星級人馬撰寫，包括阿嬌、容祖兒、Mani 、周杰倫、側田和薛家燕等，但獨欠緋聞男友鄭中基，阿Sa 笑言：「佢都唔係出身 單親家庭，所以佢唔 Feel 。」而阿Sa 透露書中會有愛情篇幅，問到是否講鄭中基？阿Sa 賣關子說：「唔知呢，大家細心去領會一下。」

雖然父母離異但阿Sa 對婚姻仍有憧憬：「原本理想係三十歲嫁人，後尾變三十二歲，到依家又唔會Set 定幾多歲，因好多 仲想去做，總之想結時咪結囉！但唔會退出，只係冇咁搏 。」

阿媽幫手搵相
至於阿Sa 可接受與阿嬌各自發展，阿Sa 借用家庭作比喻：「正如你問我想跟阿爸生活定阿媽一樣，我 答案梗係一齊最好，但想同做係兩回事，有好多 係個天已經安排好晒。」

而與父親合作出書，阿Sa 稱母親沒有呷醋反而幫手找相，今次出書是覺得有很多單親家庭問題，是大人與小朋友缺乏溝通，故希望將自己與阿爸的溝通方法與大家分享。至於阿Sa 稱下一次再出書，最大機會是與母親出有關養狗的書。