台上被老外偷吻嚇到呆咗嘅G 奶，被記者問感受時就大方咁答：「Daniel 的舉動我真的很意外，可能這是外國人的禮儀吧！」
台灣金曲獎上週六（5日）埋單計數，本地薑失威，馬來西亞出身曹格和新加坡過江發展的蔡健雅嗱歌王歌后獎，香港友莫文蔚爆冷捧走最佳專輯獎；但香港歌神陳奕迅和後浪方大同過江角逐依然捧蛋，台灣唯一大贏家周杰倫又人在溫州做騷缺席頒獎禮，台前星光自然唔多夠照。
得獎欠話題，好彩齋頒獎的上屆歌后G 奶蔡依林，孖住加拿大歌手Daniel Powter 上台，忽被突襲啜額頭，G 奶即嚇呆兼掩胸。記者得悉原來老外歌手臨出台前，已事先張揚會啜G 奶，但G 奶嗌唔好，老外一樣反口！
入場前G 奶著上法國品牌Giambattista Valli 約5萬港幣的荷葉裝踩紅地氈，不過套衫被網友喪踩似護翼衛生巾，形容得好貼切。呢個品牌喺香港Harvey Nichols 有售。
上週六台灣金曲獎頒獎禮，G 奶安排與加拿大男歌手Daniel Powter ，一齊頒發最佳國語女歌唱人獎。於台北輔仁大學英文系畢業的G 奶，台上用英語與老外打牙骱當然冇問題，但估唔到老外突然使出鹹豬嘴，一矢中的啜落G 奶額頭，引起台下一班G 奶迷尖叫。
嚇呆2秒
觀眾當戲睇，但無辜被突襲的G 奶，先被嚇到只識眨眼，呆咗兩秒後用手
住被嘴的臉額同胸口，驚魂過後才識畀反應報以微笑回應，最後得知表現失禮的老外，就用英文邀約G 奶共進晚餐打圓場。
快啜3格 出台有禮
初出台時，Daniel 同G 奶都好有禮貌咁雙手合十打招呼，G 奶自我介紹之後就用英文傾偈。
Hello!My name is Daniel Powter.
Hello ！我是蔡依林。
被吻硬軚
不過G 奶講講吓嘢，Daniel 突然衝上前偷吻，嚇到G 奶硬晒軚。
Such a beautiful and sexy woman.（衝上前吻）
（被吻後）Wow!Thank you so much,I am glad!
手踭護胸
被吻嘅G 奶下意識笑住用右手手踭護住右胸及用手
住被錫嘅右面頰，場面尷尬。
明冧G 奶
突襲G 奶成功，週日（6日）Daniel 出席同是華納唱片公司的蕭敬騰演唱會做嘉賓，其間被本刊記者問到對G 奶感覺時，Daniel 表現風騷：「Wow!Jolin,is pretty and cool!（噚晚錫佢嚇親佢喎？）Oh!I didn't know,I thought that was fun so I did it.Before the show,I told them I wanted to kiss her but someone told me not to do it!」原來事前G 奶工作人員在後台已講定叫佢唔好錫，但出台後Daniel 依然硬嘴，霸王咗啲喎！
製造效果
難得G 奶大人有大量，事後仍公開幫他講好話：「Daniel 吻我其實事前並未說好，這應該不是性騷擾喔！可能是外國人比較熱情，也可能是他想製造效果吧！」
出道9年嘅G 奶，見過唔少大場面，難得被鹹豬嘴都咁大方，唔係點可以齋頒獎都有話題喎！
Jolin 平時形象性感但唔代表開放，就算2年前搵陳冠希拍〈Mr.Q 〉MV ，唔好話錫嘴，攬吓已經係底線。
搭唔到嘴
上個月先出處女碟嘅蕭敬騰（Jam ），趕唔切報名角逐任何金曲獎，但週日已率先開個唱，仲請埋3年前憑〈Bad Day 〉一曲紅遍北美嘅Daniel Powter 做嘉賓，啜完G 奶又做嘉賓，都好威喎！
蕭敬勝嘅歌聲人人讚正，但講到英文水準原來好水皮，演唱會中，蕭公子以簡單英文同Daniel 對答，但非常爛，其間Daniel 仲表明唔知佢
乜，兩人似乎唔多岩嘴形喎！
Hello!I am Jam,21......years old.
Is ......you time!
Sorry!I sing?
It's my time?OK!
話晒方大同都係國語人，蕭敬騰同佢唱起歌上嚟都岩嘴形啲。
兩個樣
今屆台灣金曲獎，香港代表Eason 同方大同有份角逐最佳國語男歌唱人獎，賽前被視為大熱嘅Eason ，最後以兩票之差輸給曹格，難怪鏡頭前表現失望。
入場笑晒
行紅地氈入場時，Eason 同莫文蔚笑到四萬咁口，最佳國語男歌手獎，好似志在必得咁款。
捧蛋失落
有份角逐男歌唱人獎但又被安排做頒獎嘉賓嘅Eason ，當宣布得主係曹格時，即木住嘴拍手掌。
