Theresa 戴開的只是一般眼鏡店有售的「FreshKon 」（大美目），並不是盛傳她到日本買超級「大眼仔」。
一度被投閒置散，上年突然的起心肝轉形象，靠「大眼仔」配一頭金髮成功迷倒大堆老嫩fans 的傅穎，繼上年於書展推出繪本式寫真大賣後，今年再次發功，月尾將推出新CD 連寫真集。
一仗功成，於新寫真集入面，傅穎唔單只繼續以佢一貫的深啡色「大眼仔」引仔，本刊更發現她最近一口氣訂了80對「大眼仔」，實行谷到盡，趁暑假最熱檔期跟一班大眼姐仔砌過。
VIP 補倉
Theresa為宣傳新碟連寫真忙個不停，在兩個活動之間，換過短裙，偷半小時去銅鑼灣的高登眼鏡揀新款「大眼仔」。由於Theresa 是VIP ，她揀隱形眼鏡期間，店員都殷勤介紹。
店員替Theresa 檢查眼睛度數後，Theresa 即落訂，狂掃80對隱形眼鏡，店員也嚇了一跳。
直徑：14.2mm
弧度：8.6mm
原先用開韓牌FreshKon 的傅穎有意轉用楊丞琳代言的Freshlook 彩色大眼仔，可惜弧度唔岩，戴上眼唔舒服。
去年5月，仍未化「大眼妝」的Theresa ，雖然眉清目秀，但戴上FreshKon 大眼仔加假大眼化妝後，明顯sharp 。
大眼多人撐
傅穎由Cookies 9人組合改為4人，再獨立發展，變身「大眼」妹後，人氣更愈嚟愈勁，有fans 追隨她已6年以上。
星期日她出席無線J2台宣傳活動，差不多近百fans 到場支持，塞爆megaBox 全場。有fans 更高舉Theresa 的大眼公仔紙牌，可見Theresa 的假大眼深入民心。
盧先生（不願透露職業）：「佢乜嘢形象都好睇，當然大眼吸引好多啦。」
Maggie （文員）：「我鍾意咗佢6年幾，戴大眼仔後有機會發炎，但Theresa 好識注重健康㗎，唔使擔心。」
本週日（6日）中午，一身T 恤迷你裙的Theresa 到九龍灣megaBox 出席無線J2台宣傳活動。活動後Theresa 即跟助手急急腳鬆人。當日雖然下著傾盆大雨，仍然無損Theresa 逛街心情，完騷後Theresa 跟助手坐保母車到銅鑼灣，行到利園山道的高登眼鏡店（現名「亮視點」），Theresa 即入內詢問職員有沒有最新款最大的「大眼仔」。
萬元假大眼
據了解，傅穎是因為看過雜誌廣告，知道市面新出了不同顏色的「大眼仔」，便心急想試。「佢想試吓自己戴藍色同灰色好唔好睇。」知情者說。可惜新推出的多色「大眼仔」，弧度唔岩Theresa ，Theresa 「轉色」唔成功，即轉移視線，問職員可否大量訂購她戴開的韓國深啡色「大美目」，「我200度近視，想訂80對。」該款大眼仔每對160元，埋單$12,800，Theresa 落訂後即匆匆離開趕赴另一活動。
急急補倉
據Theresa 的身邊人透露，Theresa 之所以豪擲萬元買「大眼仔」，是因為「大眼仔」早已成為她的美女標記。為配合本月23日推出的新唱片連專輯《Smiling 》密集宣傳攻勢，Theresa 要急急「補倉」。本週一，記者致電Theresa ，她承認自己為配合宣傳而大量入貨。「吓？你哋點知㗎……我係買咗好多，因為我好注意衛生。早排有報道話戴得耐導致眼睛發炎，好驚咋！所以我戴開嘅牌子雖然係兩星期即棄嘅，但我最多戴一個禮拜就掉，加上我有200度近視、100度散光，要戴有度數嘅，訂多啲安心啲。」
Theresa ：「好多人話我似
原友理（右圖），但係我冇抄佢㗎，不過佢咁靚，似佢我都好開心。」
原友里
殺仔秘笈
自從上年改變形象，唔少fans 都話Theresa 似日本索模
原友里。唔只「假大眼」深入民心，就連染金髮型，同白淨皮膚都一樣咁煞食，背後有乜玄機呢？
日日護金髮
每隔3星期佢會補染髮根，保持髮色夠金。由於常染髮，所以Theresa 幾乎天天都在家做hair treatment ，保持髮質健康。
《蘋果日報》圖片
極速大眼妝
每次出鏡，Theresa 都會化「大眼妝」。包括黐假眼睫毛、戴大眼con 和畫粗眼線，熟手到只要15分鐘便搞掂。
全身防曬
話Theresa 似Anessa 代言人[虫老]原友里，咁岩Theresa 真係有Anessa 贊助防曬護膚品。為保白皙皮膚，Theresa 每日全身都搽高達50度的防曬產品，好誇張㗎！
《忽然1周》圖片
水頭充足
每日喝兩公升水（約10杯）及食大量蔬菜，幫助排毒。
勤拉筋
不做劇烈運動，免長出肌肉，只在家中做拉筋動作和跳舞，保線條。
早睡早起
若晚上不用熬夜工作，Theresa 都盡量於晚上12點前
覺早上8:00起身。連佢個blog 都顯示佢早上8點幾就update 㗎喇。
急急補倉
據Theresa 的身邊人透露，Theresa 之所以豪擲萬元買「大眼仔」，是因為「大眼仔」早已成為她的美女標記。為配合本月23日推出的新唱片連專輯《Smiling 》密集宣傳攻勢，Theresa 要急急「補倉」。本週一，記者致電Theresa ，她承認自己為配合宣傳而大量入貨。「吓？你哋點知㗎……我係買咗好多，因為我好注意衛生。早排有報道話戴得耐導致眼睛發炎，好驚咋！所以我戴開嘅牌子雖然係兩星期即棄嘅，但我最多戴一個禮拜就掉，加上我有200度近視、100度散光，要戴有度數嘅，訂多啲安心啲。」
為拍靚寫真，Theresa 每朝4點便起床化妝，但仍能保持索樣，她說：「當日本係屋企咪得咋！」
一連7天日本之旅，Theresa 話忙到shopping 都冇時間，每日只能睡3、4小時，嚟到富士山只好邊工作邊影些snap shot 當娛樂。
百萬寫真
Theresa 自從上年轉形象以大眼Look 示人後，人氣狂升。EP 《My Cup Of T 》賣12,000張，比起同門金牌一姐Stephy 嘅《Stephilosophy 》銷量約20,000差少少，但仍勇奪IFPI 最暢銷本地女新人獎；去年書展推出兩本書，其中《T with Sunshine 》在書展期間賣出5,000本，亦成為十大暢銷書之一。
到今年，Theresa 雖然只於書展期間推出新大碟《Smiling 》附送寫真集，她一樣好緊張。上月她便拉大隊一行十多人到日本取景，共拍了30個造型。靚衫靚鞋加埋超過一百套，製作費更達100萬，實行谷到盡作終極一擊。「我今年都24歲……加上我覺得我呢個look 好值得留念，所以咪趁呢個時候，快快影咗先咋。」傅穎更自爆今次會著三點式泳衣和內衣，「你哋唔好亂諗，我嘅性感係健康過種，唔會太過分嘅。」
姊妹情深
自小父母離異，Theresa 特別照顧媽咪，同家姐傅娜感情亦非常好，經常孖公仔行街。家姐今年仲出埋書做才女，Theresa 義務畫插圖。
去年1月，兩姊妹到Volar 夜蒲，Theresa 還介紹家姐給記者認識。
今年唔做才女，但Theresa 依然幫家姐傅娜寫的書畫了十多幅插圖，書中有講及Theresa 的感情生活和入行後的鎖事，不過要賣關子先。
住好啲
這兩年錢搵得多咗，Theresa 亦希望自己跟媽咪可以住好啲。加上最近樓市因為加息壓力樓價滯滯哋，Theresa 希望可以盡快進身業主，跟媽咪住大屋。「我係單親家庭長大，由細到大得媽咪同家姐錫我，我好希望可以喺港島區買個過千呎嘅單位同媽咪住，唔使好似而家咁自己租樓。不過過千呎嘅單位，港島區好多叫價都上千萬，所以我都仲『睇緊』，希望快啲儲夠錢換樓啦。」其實搵緋聞男友林建岳大仔林孝賢揼水可能仲快喎，Theresa 一聽記者咁講，就好大反應：「唔好亂講呀，我哋只係朋友咋！」
去年8月由筲箕灣愛秩序舊樓搬入以1萬3千元月租租住的西環泓都，Theresa 被本刊拍到拉開窗簾望街。
睇「色」做人
傅穎戴大眼仔至人氣急升，隨後連江若琳、嚫模女神Janice Man 同Angelababy 都跟住戴，亦同樣名氣大增，究竟戴大眼仔或假大眼是否對人緣運或事業運有幫助？甚麼顏色又最適合她們？堪輿學家麥玲玲解釋：「外加嘅嘢對運氣唔會有大幫助，反而顏色配合更加重要。」
傅穎 麥玲玲：「傅穎適合戴啡色，鮮色都對佢整體運有幫助，配埋長頭髮仲好；但紫色屬火就麻麻。」
江若琳 麥玲玲：「紅色、綠色、藍色都可以，配合埋頭髮更好；千祈唔好用黃、啡，呢啲屬土的色就得喇。」
楊穎（Angelababy ） 麥玲玲：「短頭髮比較岩佢，再配紫色、藍色啦，對事業運會有幫助㗎。」
文詠珊（Janice Man ）麥玲玲：「Janice Man 屬土，一樣可以用紅、綠色，長頭髮配呢啲色會順利啲，但屬水嘅白色、藍色就唔岩。」
