為吸引記者影相，陳曉東在台上擺出騎呢pose 。
早年曾經國內發展嘅陳曉東，上月中到北京宣傳國語碟《星空夢遊》，數百歌迷一呼百應到場支持，但返到嚟香港，東東人氣始終唔及時下年青輕像派。
上個禮拜一（十六日），東東聯同譚詠麟、江若琳、張敬軒等人於青衣城出席《耆英饑饉8小時》活動。論現場歌迷人數，江若琳人海排陣最觸目，而譚校長就老幼男女都岩，當日只有兩個fans 到場支持自己嘅東東，唯有不斷多多動作引記者同佢影相，佢仲自言自語：「呵！真係咁多人影相喎！」時移勢易，何苦呢？
大合照時間，東東率先攝正中間位，連現場輩分最高嘅譚校長都要讓路。
得兩個歌迷支持，好在霸到頭位，否則會被大班江若琳fans 淹沒。
