陳曉東眼部敏感戴黑超，昨晚帶同太太王妤嫻興奮宣佈再度有喜。
現年三十九歲的陳曉東去年七月第一次做爸爸，想不到囡囡芷霖未夠六個月大，老婆王妤嫻又宣佈懷胎兩個月，認真可喜可賀！東東昨晚跟太太一同到會展出席香港時裝周活動，同場還有徐濠縈、梁漢文、趙頌茹、林芊妤（Coffee）等。東東全程體貼地拖實老婆，記者起初不知妤嫻懷孕，問是否未完全修身？東東說：「唔係，修得唔錯，本來件衫著唔落，要臨時買過，但身材依然咁好。」
Ana R.師妹陳瑞瑩谷胸性感，搶鏡成功。
徐濠縈一身黑bra襯白色透視上衣及長裙，依然有型。
林芊妤近日雖約會中年金融男士，但嫌對方欠幽默感未有發展。
陳曉東與太太王妤嫻已育有一女陳芷霖，現五個多月大。 資料圖片
迷信同羊B夾
訪問期間妤嫻不時摸住肚皮，記者問是否有好消息宣佈？東東「咿咿哦哦」一輪，才開心自爆：「係呀，有咗第二個，本來唔想咁快講，中國人傳統怕小器，但係開心事。」記者笑他勤力造人？他說：「係呀，好搏命！今胎無特別計劃，但我好迷信，自己屬兔，同今胎羊B好夾，預產期係今年八月，處女座。」是否想生仔？他說：「冇諗，仔女都一樣。」他透露太太經常作嘔，問會否送珠寶或大屋獎勵太太？妤嫻即甜笑，東東搶答：「佢有少少驚，因為咁快又去番咁狀態（懷孕）。」其實妤嫻今年只得二十五歲，被指生完可以一次過修身，妤嫻點點頭，並用普通話說：「看得出來嗎？」稍後妤嫻會返北京湊女，東東則赴馬來西亞登台。
採訪：黃曉妍
攝影：陳慧安
from:
http://hk.apple.nextmedia ... 150120/19008433
