Twins 屢次被傳拆夥，其唱片公司英皇多番否認，但事實二人早已分開工作。
資料圖片
陳冠希和鍾欣桐（阿嬌）因淫照事件影響，事隔近半年二人演藝事業繼續陷於谷底，無巧不成話，阿嬌和方力申主演的新片《出水芙蓉》，一如陳冠希的電影《神槍手》，一直未得內地批文，以致上映無期。
方力申與阿嬌合演的新片《出水芙蓉》因內地未有批文，上映無期。
資料圖片
方力申昨日出席活動提到阿嬌赴美國拍電影，他即表示支持。
早年順風順水的Twins ，因為鍾欣桐的淫照事件，而前景未卜，阿嬌早前所拍的電影《梅蘭芳》，因其形象問題，電影公司將其演出的戲份全部刪剪，而英皇投資的電影《出水芙蓉》，有阿嬌、方力申、田亮及黃聖依等主演，也上映無期。
《出》片有傳本於6月上映，可是只聞樓梯響，最近傳出在暑假檔期推出，不過內地批文卻一拖再拖。據悉由於阿嬌的淫照影響其形象，故對其電影審批甚為嚴謹，加上內地現正積極籌備8月奧運盛事，相關單位均以奧運為主，《出》片極可能未能在今年內上映。
周麗淇讚好姊妹阿Sa 是工作狂撐得住，未聞Twins 要拆夥。
小方撐復出
有份演出《出》片的方力申，昨日在九龍灣出席無線奧運活動，講到對於阿嬌赴美國拍電影，方力申說：「我支持佢復出，我同佢有套戲嘛！如果佢復出即係套戲可以上。」《出》片最初預期暑假上映，方力申說：「我都唔知乜嘢事，都係等通知，錢就收咗，希望可以上，我都相信會上畫。」
提到Twins 拆夥傳聞，方力申說：「今日報紙已經否認咗，但係其實不嬲每個人都有分開同一齊嘅時候。」被問到會否致電前緋聞女友阿嬌表示關心，他說：「冇乜特別事，傳拆夥都完咗。」
此外，其他藝人對Twins 傳拆夥，都有發表意見，蔡卓妍的閨中密友周麗淇昨日在德福商場舉行的活動上說：「呢排阿Sa （蔡卓妍）好忙，不過都有聯絡，咁梗係唔拆夥好啲，阿Sa 冇同我提過拆夥，不過呢啲係佢公司嘅決定，傳聞冇影響阿Sa 嘅心情。」
慶幸未拆夥
薛凱琪和鄭融昨日齊出席屯門的食物安全日活動，薛凱琪說：「其實拆唔拆都係佢哋自己選擇，如果拆夥對fans 嚟講係好可惜，唔拆我會戥佢哋開心，因為Twins 都算係一對好拍檔兼好朋友。」
鄭融則說：「聽到話唔拆夥，我覺得係一件好事，佢哋出道到而家都係一對特別組合，繼續一齊大家都會開心。」問她會否覺得阿嬌拖累阿Sa ？她說：「唔會拖累，應該展望將來，相信會有好火花。」
採訪：林妃
