管教子女，係父母 既責任，因為只有父母先最了解、最愛護子女。但部份傳媒「知識分子」，卻捉住一 極端 個別例子，指 衣家既父母越來越唔識 教細路，仲指情況好似疫症咁，要政府立法強制家長點去教仔……主持：楊卓華高明輝
1〉不負責任病毒?
天水圍小姊弟爬樓事件之後，社會廣泛討論，其中唔少借題發揮，將事件講到係一個社會普遍問題，包括商台烽煙節目《在晴朗的一天出發》主持黃永。
「 衣家我地 睇到，不負責任既家長，就好似 禽流感咁樣，不斷咁變種……既然（政府）對禽流感都咁小心，冇理由照顧小朋友冇照顧 雞咁緊張 架；係咪應該防患於未然，去睇番究竟有幾多不負責任家長？」
──商台節目主持 黃永
2〉香港 「不負責家長」好似禽流感咁蔓延？
社會福利署署長余志穩
我唔覺得好似疫情或者禽流感咁嚴重。社會對兒童 關注多左，以前閂埋門打仔冇乜人知，但依家如果有咁既事發生，老師、社工等都會好關注，我地即刻就會知道，係個認知同關注多 左，所以（個案）好似多左咁樣。
3〉但好多「知識分子」藉今次事件要政府全面「監控」家長，搵出全港有幾多不負責任家長，又要政府立多 法強制「 教育」家長。
余：
素來都有討論應唔應立例，禁止家長獨留子女在家。但今次事件就同獨留在家無關。如果屋企有細路哥，係咪一定要強制裝鐵閘同窗花？我覺得係過份 左，因為一般細路哥，最好 做法就係教佢乜野係危險，乜野唔應該做，唔係樣樣都要落鎖；一個自由既地方，唔應該下下立例限到咁死……如果（強制）你鎖死或者焊死 個窗花，火警 時亦可能出現問題。
你認為係管教兒女方面，政府應該扮演乜野角色？
余：管教兒女，係父母既責任，亦係父母既權利。一般情況黎講，社會，包括政府，應該尊重父母既決定，由佢地決定點樣管 或 育細路哥；但係如果佢 疏忽照顧，令到細路哥受到傷害，社署就有責任介入……（但無論）根據人權公約又好，根據一般倫理又好，始終係由父母照顧細路哥係最好。
[
本帖最後由可大可小於2008-6-2614:27編輯]
