阿嬌上月初被拍到在北角排舞室練舞，Mani 隨即送她到日本繼續進修，仲表示佢積極學英文及功夫，為復出鋪路。《忽然1周》圖片
淫照爆出5個月後，男女主角密謀復工，鍾欣桐（阿嬌）積極練舞學英文，英皇出力四處幫阿嬌搭路，最近雖傳阿嬌將接拍內地劇集，不過據知只聞樓梯響，真正落實的，原來是接拍荷里活西片，落實坐正做女主角，拍住奧斯卡提名男主角的1億港元（約1千2百萬美元）製作。
有份參與攝影指導的金像名師黃岳泰，對記者大讚阿嬌：「阿嬌幾好
，好sweet ，啲鬼佬好鍾意佢。」提早與世界接軌，阿嬌西方復活未斷氣。
早前的賑災活動已屢傳阿嬌會復工，最近又話會接拍內地電視劇《舞林大會》，不過全部有聲冇行動，阿嬌反而率先衝出中港，仆去荷里活。
男友唔知
早前Juno 出席一個婚紗展，記者問他有神秘資金撐阿嬌拍西片，Juno 氣定神閒咁話：「我唔想回應咁多。」
神秘泵水
事緣阿嬌跟老外監製Elloitt J.Brown 斟拍的浪漫喜劇，曾因資金短缺隨時撻Q ，但事隔三個月，忽然有財團突然泵水1千2百萬美金（荷里活D 級製作費），終於落鑊開拍，更指明用阿嬌為女主角。據知該片屬愛情喜劇，取景於美國大城市做背景，而且還有其他東南亞演員參演。
「上個月突然收到導演通知，話落實咗，仲傾緊一位奧斯卡提名男主角，夥拍阿嬌，而家欠東南亞嘅發行商未傾掂，希望年底可以開拍。」有份參與該西片製作的人士透露。
忽然有大水喉，記者問阿嬌緋聞男友Juno 神秘注資一事，一直默默支持阿嬌的他氣定神閒話：「我唔係咁清楚，亦唔想回應」。
有攬錫戲
上週六（21日）記者致電有份參與該西片、任攝影指導的黃岳泰，他亦表示新戲開拍在望，「有足夠資金咁咪好咋，我上星期收到Elloitt （監製）嘅email ，話一切進展良好，係差一個知名度大啲嘅男主角，希望年尾順利開拍啦。」
這次阿嬌擔正做女主角，黃岳泰話不排除有大膽場面：「愛情片梗會有攬攬錫錫㗎啦，再激啲就要度吓喇，個劇本係Elloitt 自己寫，我都畀咗唔少意見。
而且阿嬌幾好呀，啲美國佬睇過晒佢之前嘅戲，好鍾意佢，讚佢夠sweet ，演技夠自然，不過最緊要英文流利咋。」阿嬌應付愛情片，一定駕輕就熟啦，係英文呢關要練吓啫！
新片班底
男角Jude Law ？
據新片攝影指導黃岳泰話，男主角近年曾提名過奧斯卡男主角一獎，又年紀唔算老，加上曾同華人合作過喎！咦，36歲祖迪羅（Jude Law ）04年曾提名影帝，又同我哋嘅王家衛合作過《藍莓之夜》，好
合喎！呢個類似男角，開心死阿嬌啦！
監製Elloitt J.Brown Blog 爆取景
上月初，老外監製Elloitt J.Brown 在blog 內，上載了他飛到三藩市的相，「partly on business and partly for fun 」，寓工作於娛樂，順便為新戲取景做準備。
《蘋果日報》圖片
攝影指導黃岳泰
金像攝影師黃岳泰亦有份參與新片，黃岳泰話老外勁鍾意阿嬌喎！
齊齊翻生
淫照男女主角齊齊為復工鋪路，陳冠希（Edison ）繼續留美國搞時裝王國，上星期四（19日），美國網上雜誌《Hypebeast 》就登了Edison 與Porter 合作新推出的沙灘袋，Edison 仲赤膊上陣親身示範。
