上周五（5月30日），美國著名品牌Coach 於中環的旗艦店開幕，並於晚上在西九龍中天地搭建大型帳篷舉行派對，吸引大批城中名人及藝人到場。
Ball場新貴扒女李依琳及Kee Club 太子女龍殿兒都俾面到賀，同屬鬼妹仔的二人以一身casual wear 出現，雖然唔係太性感，但一樣搶鏡。嘉賓之中有人住得出色，亦有人老貓燒鬚，本刊找來有份參加當晚派對的形象指導Andy Daniel ，對一眾女嘉賓評頭品足。
李依琳 飾物太多
「李依琳膊頭好靚，住tube 好好睇，呢身打扮本來好性感惹火，但佢身上太多飾物，大耳環、頸鏈、手
仲有皮帶，堆晒響身上，太累贅喇！個妝仲搞到佢好老，其實佢簡單啲會型好多。」
龍殿兒 全黑太寡
「呢身打扮好型好青春，不過略嫌過分簡單，全黑衫黑褲太寡，其實可以響身上加啲閃嘢。佢身形高
，件背心太鬆身，仲要攝入牛仔褲內，換件貼身背心，效果會好好多。至於個紅色Chanel 手袋，一啲都唔襯呢個場合。」
鄧愛嘉 顏色不協調
「件湖水綠褸同彩藍色手袋都係今季最hit 嘅item ，但衰在對黑色鞋，令到佢小腿睇上去好粗，如果換金色同銀色鞋就完全冇問題。」
陳見飛 不倫不類
「要行性感應該大方啲，佢件衫好醜，又露bra 又露底褲邊，再加上佢本身骨架都幾粗，本來呢種T 恤裙係好hit ，但唔係人人都住得好睇，佢側邊身太厚肉，露出嚟咪出事囉！」
徐濠縈 潮流指標
「向來都係潮流指標嘅徐濠縈，呢套黑色套裝好新潮，加咗閃料更具型格，佢住衫好有sense ，好少出錯。」
李綺虹 透肉色bra 出事
「李綺虹呢件see through 真係出事，主要係個肉色bra 真係好肉酸，如果想大膽啲，可以住個閃石bra 或豹紋bra ，又或者鮮色嘅bra ，撞番起件衫。」
薛芷倫 懷舊出色
「薛芷倫條褲嘅pattern 好懷舊，今季好hit ，佢呢身打扮好襯佢膚色，健康得嚟又性感，套衫亦啱晒佢年齡，佢carry 得好好。」
星級形象指導
姚志康（Andy Daniel ）於92年入行，積極拓展設計高級時裝及晚裝，並創立品牌「Andy Daniel 」，設計日常及晚裝婚宴服飾。
他曾為多位著名藝人擔任形象指導，包括黎明、陳慧琳、葉德嫻、李樂詩、光良、鄭希怡、杜汶澤、黃凱芹、衛蘭、衛詩、黃伊汶、梁洛施、邱凱敏、周麗淇、鄧麗欣等等。近年曾參與黎明4in love 演唱會、亞洲天后（葉麗儀、陳潔靈、MariaCordero 、Anita Sarawak ）演唱會、溫拿三十三周年演唱會、衛蘭演唱會、Danny summer 演唱會以及陳奕迅演唱會。
扒女
Kee Club 太子女
Chanel 2.55光皮手袋約$12,000
Coach Trench Coat$6,400
