黃凱芹開騷漏腩肉

一連兩場「黃凱芹再遇伊利沙伯演唱會2013」前晚在伊館圓滿結束，獲汪明荃（阿姐）捧場，Chris又邀請阮兆祥做嘉賓，祥仔說：「以前同你一齊做DJ，我嗰時仲係𡃁仔。」Chris笑稱祥仔如今是巨星，又踢爆對方曾在街頭痛哭。

黃凱芹在台上不斷擺甫士，搞到驚現豬腩肉。

Chris落台與歌迷握手時，被熱情歌迷感動到喊，他說：「好好彩，出道至今一個獎都冇攞過，你哋仲當我偶像。」全晚表現落力的Chris，更一度忘形走光大晒豬腩肉，及至最後唱《海闊天空》時又疑因淚水影響搞到走音。事後Chris解釋：「有歌迷送花時講咗一句『好唔捨得你』，令我一時感觸。」他又大騷手臂上被熱情歌迷抓傷的指甲痕，並透露將返加拿大，問是不是最後一次演出？他說：「唔知，每次心態都當最後一次。」
from:http://hk.apple.nextmedia ... 130331/18212444

黃凱芹（Chris）一連兩場演唱會前晚假伊館完美落幕，阿姐汪明荃都有捧場，Chris在台上向阿姐送高帽：「阿姐唔只係我偶像，仲係我榜樣，佢做藝人又可以做番自己，我行我素。」而嘉賓阮兆祥則與Chris細說從前趣事，阮兆祥更宣布今年12月會在伊館開騷，high爆全場！

獲歌迷支持的Chris感動流淚。Chris與阮兆祥大談以往的趣事。

Chris承接第一場繼續與粉絲近距離接觸，又攬又錫，最後更感動到當場流下男兒淚，以致在尾聲獻唱《海闊天空》時不慎走音。完騷後他解釋因為有痰再加上淚水影響導致失手，又向大家展示熱情粉絲在手臂上留下的抓痕。
from:http://orientaldaily.on.c ... /00282_026.html

80年代「情歌王子」黃凱芹（Chris）三度重返香港樂壇，將於8月初推出製作費過百萬的HiFi發燒碟，全程起用「名牌」音樂製作人及錄音室，Chris再跟香港唱片公司合作，全因老闆承諾「支票任開」，超得寵之餘，「Neway Star一哥」張智霖（Chilam）終遇上強敵。

黃凱芹

今年52歲的Chris相隔兩年，將於8月的HiFi展前推出發燒天碟《Kings Cross天王時期》，據知令Chris首肯在港再出碟，全因Neway Star大老闆薛濟傑親自力邀，更提出「製作費無極限」的條件，令他備受尊重。

巴閉「人頭咪」

日前Chris在長途電話中受訪時說：「其實我未見過薛生本人，但佢請咗位唱片高層嚟同我傾，我覺得錢都係其次，最令我心動係無論我有任何製作上嘅要求，公司都會答應，所以今次呢張發燒碟，要百萬起跳。」他已非首次錄HiFi碟，但今次感覺全不一樣，當中最難忘是：「監製喺香港專登『班』咗支Dummy Head Recording畀我錄音，呢支人頭咪好巴閉，會錄到更靚聲效果，但監製嚟加拿大時，支咪過唔到關，好在臨時喺加拿大搵到一支，我係首位用呢個咪錄音嘅華人歌手。」至於他所租用的ArmouryStudios亦大有來頭，是Drake、Seal、Bon Jovi、Norah Jones等著名音樂人的御用錄音室。

張智霖

黃凱芹（中）在Bon Jovi、Norah Jones等著名音樂人的御用錄音室錄音，認真巴閉。

這支人頭咪巴閉架勢，錄得把聲更靚。

回港行程緊密
說到音樂班底，均是曾獲格林美獎的頂級音樂家，得公司全力銀彈支持的Chris，難怪錄得好開心：「呢十首翻唱『四大天王』嘅歌，一定會有意想不到嘅效果。」

月尾Chris將返港宣傳，然後去廣州開演唱會，他說：「其實我好樂意配合香港嘅宣傳，如果反應好，會再推出第二輯，同計劃明年開演唱會。」Neway Star高層朱先生被問到Chris的加盟，是否跟Chilam爭「一哥」之位？朱先生說：「唔會，佢哋兩個各有唔同風格同fans層，Chris成張碟10首歌拍晒MV要過百萬埋單，但Chilam一首歌MV都50萬，好難比較。」

文：音樂組
From:http://orientaldaily.on.c ... /00282_051.html