自從「天真論」一出，淫照事件主角之一的阿嬌鍾欣桐，便借進修為由，全面絕跡娛樂圈。手停口停，好在有富貴Juno 麥浚龍照顧，旅遊shopping 全天候射住，Juno 更不時在網上日記內，發表愛嬌文章晒命！
一直對個仔拍拖隻眼開、隻眼閉的麥紹棠，為怕Juno 愈踩愈深，最近終於插手棒打鴛鴦，更實施經濟封鎖政策，逼Juno 「江山」、「美人」二揀一。
男友變失匙夾萬，阿嬌唯一做法，只有速賣手上三層物業，套現急救荷包。
羅便臣道31號
慧明苑
大話連篇
在ifc shopping ，唔係名牌唔吼，阿嬌就連買旅行拖篋都要名牌，辛苦晒Juno 。
下令阿嬌即時休假「過冷河」的英皇，一直對外聲稱會安排她到外地進修，主要學音樂、語言同跳舞。直到上月中，有傳媒影到阿嬌到中環shopping ，經理人Mani 才急轉軚說：「我一路都無講喺邊度進修，其實佢一直都喺香港學跳舞、英文同功夫，遲嘅就真係出埠喇！」
除了再培訓計劃，阿嬌亦忙於mark 實富貴Juno ，孖住到泰國小島秘遊、飛日本睇X-Japan ，阿嬌女友的身份，在Juno 身邊人之中，已是公開的秘密。
貪得無厭一向嗜愛日本名牌的阿嬌，之所以同Juno 有溝通，初時只為了第一時間搜羅心頭好。○六年中，她膽粗粗親自打電話搵Juno 代買限量潮物，經過半年多次買賣交收，兩個終於「交」出感情。
為博紅顏一笑，Juno 不時投其所好，速遞最新時裝目錄，任嬌選擇分文不收。「佢（嬌）明知Juno 有錢，每次睇catalog 都揀一大堆，有時仲過分到一色幾件！」一名知情人士透露。
Juno 與阿嬌在06年底搭上，兩人合作《破事兒》時，已經拍拖接近一年。
Juno 老豆麥紹棠為怕愛兒人財兩失，近日決定閂水喉，間接令阿嬌失去大靠山。
閂水喉深明小財唔出、大財唔入道理的阿嬌，亦不時回贈小禮物製造驚喜，Juno 多次以晒命姿態，在網上日記內展示定情信物。
兩人關係漸上軌道，眼見Juno 水源充足，阿嬌開始提到自己每月十多萬沉重的供樓負擔，憐香惜玉的Juno ，近期不時向友人提起阿嬌的慘況，「佢周不時都話，阿嬌好慘，一個女仔每個月要俾十幾廿萬供樓，好想幫佢分擔吓！」知情者說。
同情分滿瀉，詐嬌行動幾乎大功告成，卻在埋門一刻被Juno 老豆麥兆棠收到風。
「Juno 阿爸原本唔反對個仔拍拖，就算淫照嗰排，阿嬌去咗Juno 屋企避風頭，佢（麥父）都無出聲，但見個仔嘅錢好似倒水咁愈使愈多，覺得係時候阻止。」知情者說。
為令對方露出狐狸尾巴，麥兆棠決定向Juno 作出經濟封鎖，除信用咭外，一切巨額現金開支，必須經由父親處理，務求令Juno 無錢過手。
Juno 同阿嬌先後戴Jacob &Co 鑽戒，有意無意將兩人的情侶關係逐漸浮面。（《蘋果日報》圖片）
Juno 將阿嬌送贈的Prada 匙扣和Bottega Veneta 電話套，放在blog 上大晒兩人的恩愛。
淫照事件後，阿嬌出席無線《雪中送暖》節目，廣管局接獲千九宗投訴，四川賑災，英皇亦不敢打阿嬌主意，避免反感。
阿嬌人氣不再，康城電影展上的《出水芙蓉》海報改由英皇新人馬閱取代。
賣得就賣人肉ETC 失靈，阿嬌唯有速賣手頭上三項物業，包括干德道慧明苑，以及兩個羅便臣道單位。前者開價千五萬放售，而將於六月收樓的羅便臣道單位，則以低於市價，每個千七萬放盤，但至截稿前，三個單位仍未賣出。
為今之計，阿嬌求人不如求己，打算八月正式復工，主力拍電影重出江湖。
潛水兩個多月，阿嬌能否由谷底浮上水面，要拭目以待。
陳冠希同阿嬌一出道便火速搭上，原本只係普通一段男歡女愛，卻演變哄動全港的淫照男女主角。
陳冠希現時定居美國，上月中他在好友Kanye West 演唱會後台現身。
今年初，Twins 爆冷成為無線亞太區最受歡迎女歌手，不夠一個月，阿嬌停工，阿Sa 被迫頂替接拍《蝶劍》，更因意外受傷無法在另一套電影《風雲Ⅱ》中，吊威也拍打鬥場面。
（《蘋果日報》圖片）
千萬爛屋全面睇
零景觀——雖然慧明苑坐落中半山位置，但大部分單位只能樓望樓，連海罅都望唔到。
唔足呎——實用率只有七成，露台面積亦唔見使
牆壁滲漏——細房牆身出現水管爆裂滲水，令油漆剝落。
零裝潢——大閘選用千元大陸貨色，廁所配套明顯是十多年前收樓標準，未有更新。
放售可議價
據田土廳資料顯示，阿嬌與母親莫寶珠共同擁有「耀查投資有限公司」。兩人以公司名義在03年尾，以570萬購入干德道慧明苑1,433呎單位，再於07年尾，掃入羅便臣道31號兩個1,172呎單位，總值2,840萬。
當年購買干德道慧明苑，阿嬌先向英皇做470萬按揭，直到去年底轉按給
豐銀行。而新購入的兩個樓盤，則全數到銀行上會。
以現時優惠利率5.25%，分20年還款計算，阿嬌每月供樓開支高達16萬。雖然三項物業賬面均有獲利，但為求甩手，羅便臣道兩個單位原先開價1,800萬，現已減至1,700萬，據地產界人士透露，叫價上仍有30至40萬減價空間。至於慧明苑，現正以1,500萬放盤，由於賬面獲利豐厚，議價空間可有百萬走盞。
英皇女愛「俊」男英皇旗下女星即使個樣唔出眾都有幾分姿色，偏偏她們卻獨愛野獸，專揀三尖八角的「俊」男為拍拖對象，該煨！
蔡卓妍、鄭中基
（忽然1周》圖片）
2004年，阿Sa 與鄭中基首次合作拍愛情片《追擊8月15》而傳出緋聞。阿Sa 被偷拍到鄭中基淺水灣豪宅度春宵，而鄭更愈愛愈投入，在手臂老鼠仔位置紋上阿Sa 英文名「Charlene 」作愛的烙印。
Yumiko 、化妝師Andy
2006年，Yumiko 和Twins 御用化妝師，被傳媒拍下二人撐枱腳，甚至有說男方已搬入女方位於司徒拔道的香閨同居。兩人拍拖後，Yumiko 更改用Andy 為她化妝，有藉口日對夜對。
梁洛施、陳輝陽2006年5月傳出梁洛施與比她大21年，有才華冇外貌的音樂人陳輝陽展開忘年戀。同年12月，Isabella 親口承認與陳分手。今年3月初，梁洛施又被指與有「財」但唔「俊」的李澤楷秘密相戀半年，口味貫徹。
