袁彩雲拋胸拋鑊
袁彩雲何止騷廚藝本色，仲騷埋身材益街坊。
煮得一手好菜嘅袁彩雲，上個禮拜四晚（五月十五日），出席一個遊艇發布酒會，即席下廚炮製美食，俾嘉賓之一嘅謝婷婷品嘗。
本身著住低胸衫，袁彩雲揸住個平底鑊拋吓拋吓煎薄餅，拋到酥胸半露，美女廚房頓變成性感廚房。
廚藝表演完畢，輪到曬得一身古銅色皮膚嘅謝婷婷試食，佢居然食到唔停口，食完一塊又一塊，色香味俱全，搞到八珍都好肚餓。
曬到「黑ma ma 」嘅謝婷婷（中），連續食咗兩塊薄餅，仲邊食邊大讚袁彩雲好手勢。
Ana R.都有份下廚，何止身材輸俾袁彩雲，見佢不斷手忙腳亂，就知佢行catwalk 多過揸鑊
