頂阿嬌新戲 阿Sa 崩潰
4月30日發冷著羽絨
4月30日晚，上海勝強片廠燈火通明，氣溫有18度，從休息室慢步出來的阿Sa ，穿上厚厚的長羽絨，步履緩慢，更要助手攙扶。
淫照事件，阿嬌立即摺埋，無工一身輕的阿嬌，惟有瘟仔度日，但男友Juno 衰高調，成日在blog 內洩玄機，搞到近日獨撐嘅阿Sa 佛都有火，大發牢騷︰「寫blog 可唔可以詳細少少，引起外間揣測又要我回應……」
事實上，阿Sa 真係俾好姊妹累到雞毛鴨血，因為要代阿嬌頂工作，搞到佢上海泰國兩邊撲，一人騎住《劍蝶》（前名《武俠梁祝》）及《風雲Ⅱ》兩部打戲。
4月30日，記者發現在上海拍《劍蝶》的阿Sa ，抱病拍通宵戲，鼻涕長流兼頻打冷震，難怪攝氏十八度的氣溫下，她依然
住件羽絨出入，有幾病可想而知！
淫照事件後，表面上對阿Sa 影響不太，甚至覺得她是得益者，因為原來由兩個人分擔的工作，全由她獨力頂上，加上有些阿嬌的廣告由阿Sa 代拍。但以往接內地工作都是打著Twins 的旗號，如今得番阿Sa ，號召力減半，所以廣告、登台及剪綵的工作減了不少，加上唱片、演唱會工作停晒，搵快錢機會少咗，阿Sa 惟有轉攻拍戲，但一次過應付兩部打戲，對阿Sa 來說都咪話唔吃力。
打噴嚏
在片場嘅阿Sa 不時打噴嚏，難怪一個鏡頭要NG 又NG 。
養神
未使埋位嘅阿Sa ，即爭取時間閉目休息。
補妝
阿Sa 唔止流鼻水，雙眼更狂流眼水，所以她拍一場戲足足補了4次妝，就連對手庾澄慶（右）都忍唔住問她：「你怎麼啦？」
兩邊撲捱病
阿Sa 為頂阿嬌而捱病，好姊妹阿嬌卻掛住瘟Juno ，得閒睇吓傢俬買吓VCD 返歸。
4月9日，阿Sa 在泰國為新戲《風雲Ⅱ》試造型及開工不久，隨即又要到上海松江區為《劍蝶》開工。風塵僕僕的阿Sa ，拍攝了一星期已病倒。22日，阿Sa 因為捱唔住被逼返港休息，導演馬楚成惟有先跳拍男主角吳尊的戲份，而阿Sa 小休兩、三天，雖然未病癒，仍頂硬上返片廠繼續拍攝。
4月30日晚上11時許，本刊發現面容憔悴的阿Sa ，由助手陪同，在氣溫18度下，穿上長羽絨到達片場。當日所見，她病情嚴重，鼻涕長流兼眼腫，講講吓對白又打噴嚏，明顯不在狀態。一個由
邊行去枱邊講幾句對白的鏡頭，她足足拍了兩個多小時導演才收貨，連對手庾澄慶亦忍不住上前問候。只見阿Sa 軟弱無力地說︰「今天我很累，感冒還未有好過來，又睡不著。」
嗦鼻
當晚阿Sa 紙巾不離手，兩小時勁包有餡雲吞，一盒紙巾即被她包乾。導演馬楚成非常痛錫阿Sa ，她到片場時，馬導演即與她對劇本，更吩咐多名工作人員看守片場，以免阿Sa 被騷擾。
保安勁森嚴不過，看得出導演亦很照顧阿Sa ，親自與她對稿、排戲，而阿Sa 趁未開機前，亦乘機閉目養神了一會。片場的保安亦相當森嚴，尤其每次有阿Sa 的戲份，場景外每個出口，都有保安全天候守衞，不讓閒雜人等進入，以免影響拍攝。導演之所以如此緊張，皆因知道阿Sa 的檔期緊，因為他下個月要交人。緊接《劍蝶》，阿Sa 5月尾便要返回泰國為《風雲Ⅱ》埋尾，如果進度受阻，她可能幾個月都冇假放。阿Sa 亦對記者坦言冇以前咁捱得︰「初出道連續拍三套戲，當時後生頂得順，但24歲過後就唔掂，身體負荷唔到，唔
嘅話，會走晒樣。」
單拖發展的阿Sa ，最慘是原定4月的演唱會泡湯及出碟無期，專注拍戲亦是唯一權宜之計，她無奈表示︰「音樂嘢會停先，始終唔打算一個人出碟唱歌，好冇安全感，但都要做㗎，拍住戲先咋。」
其實，英皇近年內憂不少，阿嬌、阿Sa 前路不明朗、lsabella 要解約，公司會生金蛋的金鵝買少見少，難怪要趁住阿Sa 人氣未退，戮力搲水。
阿Sa 同時間騎住兩部戲，4月初，她就到泰國為《風雲Ⅱ》試造型兼開工。《蘋果日報》圖片
原先由阿嬌獨自拍攝的廣告，淫照風暴後，已改由阿Sa 拍攝。
密做冇停手
在《劍蝶》一片中，男主角吳尊飾演梁仲山，是一個武功高強的人，所以吳尊需要拍攝大量的武打場面。
英皇娛樂藝人經理部總監Mani 亦指阿Sa 檔期滿瀉：「而家除咗拍《劍蝶》、《風雲Ⅱ》之外，阿Sa 仲有幾個大陸同本港廣告要拍，包括有頭飾、婚紗、感冒藥、波鞋等，工作排到六、七月，而關錦鵬套電影就喺下半年拍嘅。（阿Sa 拍戲拍到病，會唔會俾佢放吓假休息？）係呀，佢發燒呀，因為兩套戲同期開拍，兩邊都爭期，所以過日佢發燒都要拍，等佢完成呢兩套戲，公司就會俾佢放吓假去旅行，大約一至兩個禮拜啦﹗（今年有否安排到阿Sa 同阿嬌出碟？）呢方面，我哋遲啲會有公布。（阿嬌最近有咩工作上安排？）都係進修緊！」
身心俱疲的阿Sa ，咁捱法唔止病，仲隨時崩潰添！
5月2日腳軟軟開工
5月2日黃昏，氣溫高達三十度，阿Sa 再冇著羽絨，但仍腳軟軟，出入需要工作人員攙扶，走路時更要
住心口，看來還未完全好番。
《劍蝶》並唔係傳統的梁祝傳，反而係武俠掛帥，背景係古代的逍遙派，少了幾分悲情，多了搞笑成分，片中阿Sa 飾演祝言之，她的女扮男裝造型首次曝光。
撐嬌心力交瘁1月尾爆發淫照事件後，阿嬌形象插水，阿Sa 除了要獨擔大旗，兼要做埋阿嬌過份外，更多次公開力撐好姊妹，但卻愈撐愈
，更大呻「好頭痛！身心俱疲！」
共同進退論2月6日，淫照忽然失控大爆發，阿嬌玩消失，阿Sa 獨自面對傳媒說：「阿嬌唔係咁脆弱！」四日後，阿Sa 透過傳媒再力撐：「我哋係Twins ，合作咗6年，情同姊妹，有乜嘢事都會同佢一齊撐住。」
撐阿嬌單純
《蘋果日報》圖片
2月11日阿Sa 拖實阿嬌，阿嬌發表「天真論」後，惡評如潮，兩個月後，阿Sa在內地接受訪問時，替阿嬌解畫：「其實當時亦有人建議她不要裝堅強，哭到死去活來便博得同情，但阿嬌拒絕了，做回原來的自己，她沒有騙大家，只是大家不肯接受。阿嬌本性單純，而且很天真，也是個容易相信別人的人。」
抖大氣祝福3月3日，阿嬌被蕭若元指係「溝仔王」，在活動上阿Sa 被記者問到阿嬌是否有個好男友時說，「我想阿嬌有幸福，無論阿嬌或身邊人都想有幸福。」阿Sa 說罷竟抖了一大口氣，話：「真係一額汗！」
回應到頭痛翌日，阿Sa 出席活動上坦言獨撐感到乏力，「每日返到屋企都好
，好似打完仗咁，好頭痛，仲要答咁多問題，組合係互相幫忙，只係好緊張，驚答錯嘢。」
壓力大落淚
《壹週刊》圖片
3月18日，阿Sa 出席《IFPI 香港唱片銷量大獎2007》，在台上唱《飄零燕》，唱到「然而剩我一個，更加飛得堅壯」時，一度感觸得想當場落淚。事後她說：「過句歌詞唱出我最近嘅心情，好感觸，要一個人面對咁多。」
爆火寸Juno3月19日，阿Sa 被問到阿嬌與Juno 緋聞時，勞氣話：「依家好多新聞一單接一單，我真係唔想再回應，請Juno 幫忙，希望佢寫blog 就寫得詳細啲，免得要我回應，令到我身心疲累！」
暴瘦兼厭食
《蘋果日報》圖片
3月尾，更有報道指阿Sa 因壓力而患上厭食症，體重急跌至88磅，慘變「紙板人」，胸骨暴現。亦有周刊指她背人垂淚，患上失眠，要到中環做身體檢查，更到藥房買眼藥水紓緩眼部勞損。
