姐仔胸戰 徐淑敏以一敵二
曹敏莉（右）：我波大過你！（設計對白）
徐淑敏（左）：至弊波大冇腦呢！（設計對白）
女人，得兩個都鬥餐飽，何況係9個咁多！
周一（5日），無線搵咗一班姐仔出席喺君悅酒店舉行嘅瑞士名錶展。咪睇只得班姐仔，個個低胸晒料，爭位爭出鋒頭，真係好睇過《銀樓金粉》過班女人。
當中，最厲害嘅係徐淑敏，佢被安排企喺曹敏莉同姚子羚中間，只見佢左一招「撞膊鬆踭」，右一招「隻手遮天」，成功突圍而出，真不愧「姣精」之名。
撞膊起踭當晚大會有提供服裝，但曹敏莉就以私伙衫上陣，仲不時雙手夾胸，波濤「胸」湧。企喺隔籬嘅徐淑敏相形失色，立即出招撞膞鬆踭力壓曹敏莉。
飛象過河
徐淑敏成隻手飛象過河遮住姚子羚塊面，啲手指仲直情插落人哋個口度咁滯，仲一面得戚，真係霸道。
影大合照，成班姐仔即時移向中間，原先企中間位嘅陳敏之（右），被迫到要出聲叫大家企番開啲。
9個女仔，8個豎起手show 手錶，惟曹敏莉由頭到尾夾波波。
