衛蘭三度換底誘斷背男

衛蘭三度換底誘斷背男
03/05/2008

衛蘭（Janice ）前晚於馬來西亞舉行演唱會，瘦身愈見佳績的Janice 不惜以短裙為主打，露出修長美腿，除吸引近萬人入場睇騷外，更有「斷背」男歌迷拍住拖支持Janice 。

【楊安莉馬來西亞直擊】Janice 前晚假吉隆坡默迪卡體育館舉行演唱會，吸引近萬人入場，而許懷欣、經理人陳善之亦是座上客，當晚的門票貴價的近千元一張，最平也要二百多元，場外更有櫃台售賣Janice 、黎明、何韻詩等人的專輯。剛剛瘦身成功的Janice ，前晚的七個造型之中，大多以短裙上陣，露出「白雪雪」的美腿，大騷本錢，但當地晚上氣溫超過三十度，天氣相當酷熱，令Janice 全程大汗疊細汗，連化妝都溶了。期間，Janice 換上金色小公主造型時，更因頭上十幾磅的王冠太重，令她表現相當生硬，要髮型師立刻上台救駕。

唱《Hero 》灑淚
演唱會場地正好能夠眺望馬來西亞名勝雙子塔，Janice 笑言自己跟妹妹 詩亦是雙生兒，故感覺非常親切，當演繹到《Hero 》一曲時Janice 更感觸落淚。此外，更邀請應昌佑擔任表演嘉賓，兩人合唱《童夢》，贏得不少掌聲。Janice 的歌迷前晚更自備燈牌支持，當Janice 問邊個拍住拖來睇騷時，台下一對「斷背」男就無懼歧視目光，齊齊興奮舉手，Janice 非常驚喜問：「oh my God ！你係咪gay 呀？that's good thing ！」Janice 表示拍拖最緊要搵 對象，不要拍錯拖。

頭頂十幾磅王冠
完騷後Janice 舉行慶功宴，她大嘆個唱最辛苦是要面對炎熱天氣及重量十足的王冠，她說：「真係好熱，頭先換 三條底褲， 汗流到去背脊；個王冠十幾磅重，搞到好唔自然，頭都側晒！」對於斷背歌迷拍拖睇騷，Janice 表示：「佢 好open ，舉手認對方係男朋友，（好勇敢？）如果我係我都會，但我唔係，（你讚good ？）good 係佢 敢去公開承認。」Janice 在慶功宴上大方與兩斷背歌迷合照，並大擦一餐慶祝。應昌佑表示在馬來西亞代替光良演出，感到有壓力，希望將來有個人演唱會。