楊紫瓊聲援梁洛施 英皇搵證據拆招
我哋逼你做過乜呀？（設計對白）
心知肚明啦！（設計對白）（《忽然1周》圖片）
梁洛施（Isabella ）與英皇的世紀官司未正式埋牙，雙方已隔空連環開火，遭英皇控告毀約後，Isabella 於四月十八日出招反控英皇，指曾被要求作出極度不合理行為。
據知，英皇上週曾召開緊急會議，悉數列出所有要求Isabella 做的事，當中包括在雪藏她期間，要求對方返英皇做文書工作，以及出席演唱會及首映禮等。
英皇準備迎戰，而身為紅娘的楊紫瓊週日（四月二十七日）出席活動時，指藝人闖荷李活一定要英文好，公開聲援人在美國學英文的Isabella 。紅娘楊紫瓊出席星期日活動時，首度開腔力撐Isabella ，明示對方應該學好英文以闖荷里活。
阿澤同彭浩翔炮製的電影《伊莎貝拉》令Isabella 邁向國際，當日在影展中三人行紅地氈，Isabella 落足心機打扮。
媒人聲援Isabella 與英皇決意對簿公堂後，雙方各自出招，身在美國進修的Isabella ，在百億男友李澤楷財力支持下以星級律師團入稟反控英皇，同一時間，紅娘楊紫瓊則在香港挺身開腔力撐！
週日（廿七日），楊紫瓊現身沙田馬場出席活動時，被問到與張家振合組電影公司力捧Isabella 時，她回應說：「我哋主要係栽培新人，已經簽咗林熙蕾，之後都會喺香港、內地、台灣同韓國搵新一代，其實好多西方人對東南亞文化有興趣，要把握機會學好英文，俾晒tips 大家喇。」
追問她是否支持現身處美國進修英文的Isabella ，她說：「要到荷李活發展，唯一途徑就係學好英文。」小小超女友羅愛欣Rachel 當日亦有出席馬場活動（右圖），近日經常高調的她似乎要向Isabella 宣示正印女友地位。
Isabella 最憎出席俾面派對及音樂性節目，06年Twins 演唱會慶功宴，當時受壓要出席的Isabella 已經十分抗拒，不過依然唔可以say no 。（《蘋果日報》圖片）
緊急開會Isabella 左右開弓，英皇亦總動員候駕，一姐容祖兒公開叫Isabella 盡快返港交代，另方面，英皇在Isabella 入稟後亦第一時間召開緊急會議。
「Mani 叫全部同事列晒叫過Isabella 做嘅咩，例如喺佢（Isabella ）被雪藏期間，要求佢返朝九晚五做OL ；嗰段時間，Mani 叫Isabella 返公司聽電話同做文書工作，又要佢同其他部門同事溝通，不過Isabella 好唔鍾意，仲試過喺返工時間要求去睇戲，不過Mani 唔俾。」一名英皇員工說。
據知，英皇亦要求Isabella 現身演唱會及出席首映禮，為公司旗下藝人撐場，不過Isabella 十分抗拒出席這類應酬活動，每次都以身體不適為由失場。
雪藏期間，曾有外國時裝品牌邀請Isabella 行騷，但英皇卻以其狀態不佳回絕對方，Isabella 知道後十分不滿，雙方為此搞得好僵。Isabella 出道以來獲得不少國際品牌垂青，但在被雪期間英皇替其推掉國際品牌騷，令一心想衝出亞洲的她心存積怨。（《蘋果日報》圖片）
有百億男友小小超力撐，Isabella 有恃無恐，早前更拒絕完成電影《深海尋人》拍攝海報，當電影公司及英皇無到！
兩大導火線○七年初，Isabella 向英皇認錯及自動加簽三年合約而獲得解凍，復工後英皇即替她接拍荷李活製作《盜墓迷城3》（The Mummy3），令一心想向外發展的Isabella 極度興奮，拍完該片後，更主動請Mani 及公司同事食飯。
「今年新年期間，佢請咗公司廿幾個同事食飯，又同Mani 講拍完部戲之後諗通晒，覺得自己大個女，仲多謝Mani 同媽咪一直苦口婆心咁教導佢。」知情者說。
Isabella 與公司關係表面融洽，但自從去年年尾與小小超拍拖後，Isabella 開始有離意。今年初，英皇安排Isabella 在內地跳舞節目《舞林盛典》中演出，又試過唔批准Isabella 帶同化妝及髮型師坐直升機飛澳門工作，加速雙方關係決裂。
「Isabella 一直話自己唔鍾意唱歌，所以凡係有關音樂嘅job ，佢全部都唔肯做，公司年頭原本安排佢喺內地收視極高、極受歡迎嘅節目《舞林盛典》跳舞，但佢點都唔肯，之後就開始推job 。跟住有次佢要去澳門做嘢，要求坐直升機去，但只俾化妝、髮型師同佢一齊，公司嘅助手就要搭船；Mani 認為唔可以大細超，兩個鬧晒交，最後Mani 連佢都唔俾坐直升機，嗰次之後，Isabella 就玩失蹤，唔聽公司電話。」英皇員工說。
雙方見招拆招，世紀官司，難分難解！
○六年，英皇安排一姐容祖兒及Twins 參加內地極受歡迎電視節目《舞林大會》，去年Isabella 仲聽話出席Part 2的《舞林盛典》，不過今年初Mani 要她在節目中跳舞，Isabella 就扭計唔去，其後開始推job 玩失
。四大證據梁洛施同英皇關係破裂，為了結束雙方合約關係，Isabella 不惜與十分疼錫她的老闆楊受成打官司，甚至公開表示英皇經常逼她做工作以外的事。英皇為迎戰，除安排龐大軍師候命，更召集各部門要員開會，綜合各部門曾經要求Isabella 做過的事，為的是擊破Isabella 的指控。當中包括以下幾點：
1.要求她出席公司投資的首映禮。
2.安排她出席英皇旗下歌手舉行的演唱會。
3.被「雪藏」期間要求她朝九晚五返公司，做文書工作及與其他部門同事溝通。
4.今年年初安排她到國內參與跳舞節目《舞林聖典》，但Isabella 當時已拒絕出席。
