伍晃榮金句猶在

伍晃榮金句猶在

伍晃榮報道新聞嘅手法，令不少觀眾懷念。佢嘅喪禮將於5月13日舉行，且有公祭環節，有心人可以去致意。

媽咪姐唔係體育迷，但有一段時間，好喜歡睇體育新聞。正確啲講，應該係由伍晃榮報道嘅體育新聞，佢過種冷幽默、句句金，打破咗一本正經報道體育新聞嘅框框。伍晃榮人走咗，但金句仍在，唔敢講「永遠懷念」，不過，一聽到「波係圓嘅」呢句說話，一定會想起佢。



「波係圓嘅！」
「朗拿甸奴好波起上嚟，其實真係好好波。」
「烏龍波都係靚波。」
「12碼只有兩個可能性，一係入，一係唔入。」
「救到呢球世界波嘅，唔係龍門，而係條柱。」
「有乜嘢比入一球波更好呢？答案梗係入多一球啦！」
「千祈唔好以為呢場波好緊張，係我講得緊張咋！」
「幾時都話龍門柱係守門員最好嘅朋友。」