黃興桂聞伍晃榮死訊：晴天霹靂
資深體育新聞主播伍晃榮前日因血癌離世，終年67歲。跟伍晃榮相交近30載、評述足球時同樣以風趣生鬼風格見稱的「金句王」黃興桂表示，數十年來與伍晃榮惺惺相惜，不時互相交換金句使用。對於伍晃榮逝世，黃興桂感到相當突然和可惜，並感慨地引出金句：「既然世上咁多晴天霹靂事，有今天就要好好享受，因為有今天未必有明天。」
被封「金句王」的足球評述員黃興桂，因為伍晃榮是他的親阿叔黃應士的愛將而跟對方相熟，加上彼此均熱愛體育又愛賽馬，又喜以幽默方式報道或評述足球，兩個人絕對是志趣相投，惺惺相惜。
前日，身在馬來西亞吉隆坡的黃興桂，突然接獲伍晃榮的死訊，頓感晴天霹靂，他昨日在電話中說：「好可惜，我早幾個月先馬場見到佢，知佢好想做埋北京奧運，可惜家無緣奧運見到佢。」
慨嘆人生
「有今天未必有明天」
zoom
黃興桂指好友伍晃榮突然離世，給大家一個示，就是好好珍惜今日，因為明天也許不會來臨。 資料圖片
黃興桂續說：「佢突然去世，我當然覺得好惋惜，但亦畀到我一個示，既然世界上咁多咁突然、咁晴天霹靂事，有今天就要好好享受，因為有今天未必有明天，人生好化學，有今日未必有明日，所以要把握今日，好好珍惜今日。」
黃興桂形容跟伍晃榮是志趣相投、惺惺相惜的好朋友，打從20、30年前自己擔任香港多個足球隊練時，伍晃榮便以電視台體育記者身份訪問他，黃興桂說：「我見證住佢由麗的轉去無，我對佢又尊重、又敬重，佢每次講體育新聞雖然只係講幾分鐘，但佢都會專登去球場睇晒成場賽事，我好欣賞佢敬業樂業態度；我阿叔黃應士（伍晃榮前上司）好欣賞佢，佢平時好少讚人，但佢都曾經公開讚過伍晃榮。」
幽默講波
「佢會用我金句」
黃興桂續說：「伍晃榮報道體育新聞同我講波一樣，大家都係好鍾意用一比較幽默方式去講，有時又加人生哲理落去，唔使『死咕咕』，有時佢會用我金句，好似『龍門柱係守門員最好朋友』，同埋『射12碼有兩個可能性，一係入，一係唔入』，而『好波不妨一睇再睇』呢句，好多人以為係我講先，其實係伍晃榮講先，之後我跟佢講，而佢句『波係圓』，我有時都會應用。人話同行如敵國，但我同佢就同行唔係敵國，我同佢同馬仁都好friend 好投契。」
問黃興桂會否出席伍晃榮喪禮，送他最後一程時，黃興桂說：「我新加坡有份工（ESPN Star Sports ），如果時間許可，我都會過香港鞠個躬，呢度希望慰問佢屋企人。」
採訪：戴彩煥
娛樂資料庫：黃興桂講波風趣鬼馬
黃興桂貴為「金句王」，其自創形同廢話的金句，令人發笑，不過由於他跟伍晃榮的報道手法一脈相通，不少人分不清兩人的金句到底出自誰口。
加利仔有三樣唔好：第一，冇速度；第二，跑得慢；第三，唔夠快呀！
睇佐敦，有今生冇來世。
呢球波，如果冇龍門就入！
呢場比賽我只可以用一個字形容──精采。
愛華頓呢隊波，蔗渣價錢，但係踢出燒鵝味道。
利物浦球迷唱緊佢會歌：你永遠唔會一個人行路。（按：You'll never walk alone 直譯）
今場波邊隊能夠入一「nup 」（超重鼻音）先，隊就會有優勢。
呢球波一係入，一係龍門救到，一係出界。
資料來源：《蘋果》資料室
人物誌：皮蛋黃飽歷風霜
zoom
皮蛋黃講波時輕描淡寫兼屢爆金句，其實他經歷過不少風霜。
人稱皮蛋黃（取其英文名Peter Wong 諧音）的黃興桂，現年66歲，是哄動全港的「三狼奇案」中，被綁匪殺害的富商黃應求的長子，無前助理總經理黃應士則是他的十一叔。父親遇害後，黃興桂到美國讀大學，返港曾擔任東方、南華和荃灣足球隊的練。82年他擔任南華練時，南華首度降班，同年其妻不幸死於空難。95年，黃興桂擔任ESPN 體育評述，因經常爆出模稜兩可的金句，令球迷
如果您喜歡這篇文章，請按「讚」或分享給您的朋友，以示鼓勵。
