陳冠希受淫照事件草美國唔夠一個月已經有西片拍，俾佢累到香港冇碇企阿嬌（鍾欣桐）又學佢話要進軍荷里活，上月尾Mani 仲話阿嬌同一名荷里活監製Elliott J.Brown 見面，斟拍一套將會聯同金像攝影指導黃岳泰開拍西片。
但據了解，呢位「荷里活」監製，其實出身美國電視劇大茄，Elliott 更表明阿嬌只是後備，而且資金不足，套戲分分鐘爛尾！
上月中Elliott J.Brown 的確找過阿嬌，為一套以香港做背景的浪漫喜劇《The Ad Game 》（暫名）傾劇本，本地著名攝影師黃岳泰亦會出任攝影指導，但原來Elliott 除找阿嬌試鏡，之前亦曾經聯絡過原子鏸、2R 等casting 。不過Elliott 在自家blog 內稱男、女主角已經定案為兩名越南演員，更已經開始排戲，原來阿嬌唔只係配角，仲要同其他港星爭，分分鐘只係後備。
隨時胎死
阿嬌除係後備，其實套戲仲分分鐘因為資金不足而腰斬。本刊記者近日聯絡上Elliott ，他在電郵中說：「我都仲搵緊人贊助，你（記者）有冇好介紹？」連2R Rosanne 都直認Elliott 曾借助黃岳泰之名找她和Race 傾劇本，不過因籌集資金問題而開拍無期，Rosanne 說：「一切都要等佢搵到足夠fund （資金）先成事。」
阿嬌經理人Mani （霍汶希）口中的荷里活監製Elliott ，其實只於90年代拍過美國電視劇，最威係《ER 》客串過一集，而佢06年首次監製動畫《Superhero Divorce 》更連畫都冇得上。
上週五（5日），當記者致電Mani 表示該片可能爛尾收場，Mani 即封口：「其實佢只係其中一個導演同阿嬌見過面，其他遲先公布。」如果搵個老外執導就叫荷里活大片，周潤發、成龍就唔使咁頻撲！
====================================
p.s.有時諗落亞gil 真係幾慘~作為一個女仔 所有xxx $1都唔洗就比人睇哂,,音功,,,依家真係拍4仔都冇咩人睇..方佢有咩動作勁過果d閃卡....睇怕twins 都係靠亞sa 架啦.........柯尼陀佛
