賭王何鴻燊妻妾成群，四房仔女加起來都有十七個，二房的超瓊超儀已先後跑出成為娛樂版ball 場的風頭躉，去到08年，輪到愈大愈靚，今年17歲三太陳婉珍細女何超蓮彈起。
正在英國唸中學的超蓮最近趁復活節假返港，上週二她更首度跟男友Tim 十指緊扣出席東華ball 捧媽咪場，大個咗又靚咗嘅超蓮索爆全城，分分鐘更有機會步二房家姐超儀後塵做明星，本刊亦發現喜歡穿背心熱褲的超蓮連日來都唔約男友，情願刨書煲碟兼跟媽咪shopping 扮靚，未入行小索女出入已招徠大群傳媒拍攝追訪，風頭勁過大星。而圈中三大經理人包括英皇霍汶希、蕭定一和林建名亦已經對這位何家千金虎視眈眈，爭住簽她做明星。
4/4
上週五，超蓮拜完山，即急不及待同朋友去銅鑼灣唱K ，當日穿上背心熱褲嘅佢，被大批傳媒追訪仍笑笑口，比起當年向記者潑咖啡的二房家姐何超儀有品得多。
逐個評超蓮 Mani ：
「我覺得佢好有觀眾緣，凡係有潛質嘅新人我哋都想簽。要超蓮唱歌定做戲？真係要見到真人同佢試音，先知佢啱邊樣喇！」
蕭定一：
「淨係睇佢張相都覺得佢好靚，做model 一流啦，唔使整都咁靚，至於佢適合拍咩戲，我要同佢見過面先知。」
林建名：
「佢眼大大好可愛好靚女，都有諗過簽佢，不過佢而家先17歲，等佢18歲，睇吓到時有冇機會合作啦！」
5/4媽咪幫眼
超蓮跟媽咪在Chloe 掃貨，試咗一條雪紡裙，即問媽咪佢著得靚唔靚。
超蓮試完就即刻扑鎚買咗呢條雪紡裙，何家千金，連價錢牌都唔使多睇。
Chloe 雪紡裙
$19,080
公關派片
響鋪頭入面遇到開公關公司的周美鳳（左），周即乘機派咭片，話想請超蓮出席她搞的活動。
狂煲碟
兩母女最後殺落香港唱片，超蓮掃咗大堆DVD 回家慢慢煲。
自上週二（1日）高調拖男友仔徐鈺
（Tim ）出席東華三院晚宴之後，超蓮即時成為傳媒焦點。
連日來都被傳媒跟蹤追訪，超蓮唔單只冇面燶燶，仲幾乎日日都著住背心熱褲，大方任影。
專攻港產片
上週六（5日）中午，記者便發現超蓮跟媽咪、賭王三太陳婉珍齊齊去灣仔天地圖書睇書，三太和超蓮都主攻愛情小說，買了十幾本書後，兩母女便齊齊殺落金鐘太古廣場掃名牌。
超蓮先到Chloe 試裙，買了一條白色連身裙後，兩母女再殺落Gucci ，掃足一粒鐘後再拿住大袋細袋行去地庫的影音店掃碟，問超蓮有冇斬獲，她表現得相當興奮，更勁buy 港產片。「我買咗好多港產片，因為離開咗香港好耐，好想睇吓。」
超儀加入娛樂圈超過10年，但因形象反叛，所以一直上唔到一線，如果索爆超蓮真係做明星，睇怕都有機會光宗耀祖。
Ready 三寶
索女超蓮如果入行，肯定係搶手貨。其實超蓮人仔細細，但絕對ready 入娛樂圈，除大方 記者影相訪問表現大方過香港小姐外，聽歌睇演唱會都冇甩漏，睇嚟超蓮真係對唱歌好有passion 喎！會唔會走音㗎？
睇騷
超蓮早排去睇Leah Dizon 迷你騷，平時睇埋咁多concert ，又暗闖後台偷師，ball 場經驗又多，將來實唔會怯場啦！
唱K
齋聽歌手唱歌又點夠呢，當然要有實際練習先得啦，拜完山梗係第一時間同朋友去銅鑼灣CEO Neway 唱K 補課啦！
聽iPod
拜山都要帶著部新款$1,550iPod nano ，短短幾個鐘時間都唔放過聽歌，果然對音樂有濃厚興趣。
晒男友
三太陳婉珍今年榮升東華第五副主席，所以超蓮專程跟男友Tim 手拖手捧媽咪場，賭王亦讚Tim 不錯，「斯文、高大，至於靚唔靚仔？過得去啦！」
冧吳尊
超蓮好鍾意大隻吳尊，更曾公開說想男友似他，不過佢男友仔Tim 個樣同吳尊有好大分別喎！
偶像劉華
上年東華保齡球活動，劉德華已經捉到超蓮實一實，擺明睇好呢位何家千金。
超蓮咁有潛質，難怪圈中唔少經理人已經開始密切留意這顆「超新星」，其中最近被梁洛施的合約糾紛搞到頭都大埋的霍汶希，更開到口話對這位只得17歲的何家千金好有興趣。「我哋一向都鍾意發掘新人，佢各方面條件都幾好，我都好想同佢見吓面，睇佢有冇興趣做明星。」
超蓮（左一）跟賭王、三太及家姐出席東華ball ，超蓮幾淡定，但著高衩裙嘅家姐超雲（前）就好「論盡」。
含春買書
此外，天生明星相的超蓮原來自細已迷劉德華，之前更講過希望男友要似吳尊，上週二超蓮終於拖住在英國認識、現時讀設計的18歲學生男友Tim 手拖手亮相東華晚宴。女兒多仔埋身，上週六，三太買完書即向記者澄清個女冇拍拖。「響我眼中佢哋唔係拍拖，係朋友，我唔會阻止佢識朋友，因為由細到大我都教佢點揀朋友，唔會識到壞人。」超蓮亦知衰，改口風：「我哋拍咗8個月拖，上年9月識嘅，佢係我細佬（猷啟）嘅同學。我都好後悔太高調，搞到俾人跟，媽咪咁講，因為佢教我情侶係一定要結婚嘅，所以我哋的確唔係情侶關係，只係拍拖關係；而daddy 就好開通，佢唔會阻止我識朋友。」
可能情竇初開，對愛情太多幻想太多憧憬，所以上星期記者見超蓮和三太買書時都主力攻愛情小說，當中書名相當難頂，《是怕寂寞還是愛我》、《追愛症候群》等，本本都反映她滿懷少女心事。
超蓮在「天地圖書」內不停翻看愛情小說，三太也落力幫乖女揀書。之後買完衫陪阿媽再返南區布力徑獨立屋。
愛情至上
超蓮當日買的十幾本書，大部分都係愛情小說，果然係甜蜜17歲。
1《最美麗的第七天》李牧童
2《是怕寂寞還是愛我》李牧童
3《戀空》美嘉
4《不二心》亦舒
5《追愛症候群》可愛淘
姊妹面阻
其實超蓮除了陪阿媽做乖乖女外，上星期五難得單拖約中學同學唱K 。之不過去練歌之前，超蓮當日都晨早起身，陪賭王及大堆家姐細佬妹去摩星嶺昭遠墳場祭祖先。四太和三太曾傳不和，當日著住背心熱褲、戴住太陽眼鏡的超蓮和四太大女超盈雖然企正隔籬，但記者所見兩人全程冇偈傾，有傳聞就話以前是ball 場風頭躉的四太女超盈就因為被三房細妹超蓮比下去而唔多開心。本週日（6日），記者於陽明山莊的百佳超市向四太女超盈求證，她澄清兩「姊妹」絕無不和。「我哋不知幾friend ，冇啲咁嘅事，佢返嚟香港我哋都有一齊食飯。嗰日冇傾偈係因佢要幫我睇住我細妹（超欣）唔得閒啫。」
問到超蓮新男友時，超盈就話：「睇好佢哋呀，呢個男仔都ok ，不過我就未見過，都係睇報紙先知。」
連超蓮有個拍拖8個月的男友都唔知，超蓮同超盈有幾姊妹情深，睇嚟都有唔少考驗。
4/4「姊妹」面阻阻
網友勁讚
超蓮去完東華ball 後，唔少網民都在論壇留言，讚超蓮索過家姐超盈（四太女）好多。
17變
家姐做得阿嫲
87歲賭王多產就係人都知，家族中姊妹們年紀對比很大，大房長女超英可以做到超蓮嫲嫲，二房大女超瓊就做得超蓮阿媽喎！
LV Weekender PM 玫瑰色monogram $17,700
LV Inclusion 戒指$1,750
FACE周刊第46期
