最近再做瘦身代言人嘅趙薇，成功減咗十幾磅贅肉，喺代言記者會上，仲唔介意著條露背裙騷吓成果。
減磅成功，趙薇連飲食都懶得節制，早排有人撞見佢約埋老友王菲食甜品。當日趙薇做乘客，男性友人負責揸住佢架寶馬X5出發約會。由於當日大塞車，無所事事嘅趙薇，忽然舉起右手食指一插，深入右邊鼻孔進行挖掘工程，紙巾都唔用，非常豪爽。
雖然塞車，趙薇依然最早到，佢走入甜品店嗱定位；十零分鐘，揸住Audi 旅行車，戴住黑超嘅王菲終於嚟到。兩姊妹加埋其他朋友歎足兩個幾鐘先齊齊離開，兩大巨星同場，論風采，始終係封咪做少奶奶，連奧運主題曲都唔唱嘅王菲。
成班姊妹吹水吹足兩個鐘，其間王菲全程戴住太陽眼鏡，怕俾人認出。
曾經合作拍過王家衞《天下無雙》嘅趙薇、王菲平日經常約埋一齊做瑜伽，感情要好。
成功瘦身，露背見人嘅趙薇，呢招「車廂採礦」（下圖），認真失禮。
