趙薇2010年喺新加坡誕下囡囡「小四月」，轉眼間小四月已經5歲，下年9月就已經要入讀小學，趙薇喺入學方面就冇「心繫祖國」，亦冇留戀「人人有屋住」嘅新加坡，反而想個女讀香港學校，當然係名校啦。
趙薇其實2012年已經同老公以1.5億掃咗荃灣皇壁3個複式單位，唔單止買樓咁簡單嘅，昨日有報道話因為佢本來鎖定咗位於新界嘅哈羅香港學校，呢間學校係倫敦哈羅公學全球第4間分校，亦係香港第一間寄宿制嘅國際學校，學費一年盛惠$148,637。不過哈羅入學條件首先係英文要好，趙薇都驚囡囡應付唔到，近期亦意屬九龍塘嘅耀中國際學校，學費仲貴，一年$169,680。不過對入股阿里影業嘅趙薇嚟講，要喺名校網買豪宅加分，都係濕濕碎啫。
from:
http://hk.apple.nextmedia ... 150521/19155060
